Last updated on March 13th, 2025 at 12:05 pm
ಕಟೀಲ್, ಮಾ. 13: ಬರ್ಪಿ ಐತಾರ ಮಾರ್ಚ್ 16 ತಾನಿ ಕಟೀಲ್ ದೇಲಂತಡೆದ ಪ್ರಥಮ ದರ್ಜೆ ಕಾಲೇಜಿದ ವಾಗ್ದೇವಿ ಸಭಾಂಗಣೊಡು ತುಳು ರಾಷ್ಟ್ರೀಯ ವಿಚಾರ ಸಂಕಿರಣೊದ ಅಟ್ಟನೆ ಆತ್ಂಡ್. “ತುಳುನಾಡ್‌ದ ಆದಿಮೂಲ ದೈವೊಲಾಯಿನ ಬೆರ್ಮೆರ್ ಬೊಕ್ಕ ಲೆಕ್ಕೇಸಿರಿ- ಪಾಡ್ದನ, ಆಲಡೆ ಬೊಕ್ಕ ಪ್ರಾದೇಶಿಕತೆದ ಮಿತ್ತ್ ಅಧ್ಯಯನ” ಪನ್ಪಿನ ವಿಷಯೊದ ಬಗೆಟ್ ವಿಚಾರ ಸಂಕೀರ್ಣ ನಡಪರೆಗುಂಡು.
ವಿಚಾರ ಸಂಕಿರಣೊದ ಉದಿಪನೊನು ಕಟೀಲ್ ಶ್ರೀ ಶ್ರಿಹರಿನಾರಾಯಣದಾಸ ಆಸ್ರಣ್ಣೆರ್ ಮನ್ಪೆರಗುಲ್ಲೆರ್. ಕಟೀಲ್ ದೇಲಂತಡೆದ ಮೊಕ್ತೇಸರೆರ್ ಬೊಕ್ಕ ಅಧ್ಯಕ್ಷೆರಾಯಿನ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರು ಗುತ್ತು ಗುರ್ಕಾರ್ಮೆ ವಯಿತೊನುವೆರ್. ತುಳು ಸಂಶೋಧಕೆ ಬೊಕ್ಕ ಜಾನಪದ ವಿದ್ವಾಂಸೆರಾಯಿನ ಶ್ರೀ ಕೆ. ಎಲ್. ಕುಂಡಂತ್ತಾಯೆರ್ ದಿಕ್ಸೂಚಿ ಭಾಷಣ ಮನ್ಪೆರಗುಲ್ಲೆರ್.
ಸಂಪನ್ಮೂಲ ವ್ಯಕ್ತಿಲಾದ್ ಕಣ್ಣೂರ್ ವಿಶ್ವವಿದ್ಯಾಲಯೊದ ಭಾಷಾ ವೈವಿದ್ಯತೆ ಅಧ್ಯಯನ ವಿಭಾಗೊದ ಡೈರೆಕ್ಟರ್ ಡಾ. ಶ್ರೀಧರನ್, ದ್ರಾವಿಡ ವಿಶ್ವ ವಿದ್ಯಾನಿಲಯ ಕುಪ್ಪಂದ ಭಾಷಾಂತರ ಅಧ್ಯಯನ ವಿಭಾಗೊದ ಮುಖ್ಯಸ್ಥೆರ್ ಡಾ.ಬಿ. ಎಸ್. ಶಿವಕುಮಾರ್, ತುಳು ಪೀಠ ಮಂಗಳೂರು ವಿಶ್ವವಿದ್ಯಾನಿಲಯೊದ ಮುಖ್ಯಸ್ಥೆರ್ ಡಾ. ಮಾಧವ ಎಂ. ಕೆ., ತುಳು ಜಾನಪದ ವಿದ್ವಾಂಸೆರ್ ಡಾ. ಕನರಾಡಿ ವಾದಿರಾಜ ಭಟ್, ಜಾನಪದ ವಿದ್ವಾಂಸೆರ್ ಬೊಕ್ಕ ಸಾಹಿತಿ ಡಾ. ಇಂದಿರಾ ಹೆಗ್ಗಡೆ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಗುರ್ಕಾರ್ದಿಯಾದಿತ್ತಿನ ಶ್ರೀಮತಿ ಜಾನಕಿ ಬ್ರಹ್ಮಾವರ, ಅಖಿಲ ಭಾರತ ತುಳು ಒಕ್ಕೂಟೊದ ಗುರ್ಕಾರೆ ಶ್ರೀ ಎ.ಸಿ, ಭಂಡಾರ್ಲು, ದೈವನರ್ತಕೆರ್ ಬೊಕ್ಕ ತುಳು ಜಾನಪದ ವಿದ್ವಾಂಸೆರ್ ಅಂಚೆನೇ ಅಕಾಡೆಮಿದ ದುಂಬುದ ಗುರ್ಕಾರ್ಲು ದಯಾನಂದ ಕತ್ತಲ್ಸಾರ್, ತುಳು ಕನ್ನಡ ಸಾಹಿತಿ ನಂದಳಿಕೆ ನಾರಾಯಣಶೆಟ್ಟಿ ಮುಂಬೈ, ದೈವನರ್ತಕೆರ್ ಬೊಕ್ಕ ಜಾನಪದ ವಿದ್ವಾಂಸೆರಾಯಿನ ಡಾ.ರವೀಶ್ ಪಡುಮಲೆ, ತುಳು ಜಾನಪದ ವಿದ್ವಾಂಸೆರಾಯಿನ ಶ್ರೀ ಪಾಂಗಾಳ ಬಾಬು ಕೊರಗ, ಪ್ರೊ. ಯದುಪತಿ ಗೌಡ, ಪ್ರೊ. ಪುರುಷೋತ್ತಮ ಬಲ್ಯಾಯ, ಸುಂದರ ಬಾರಡ್ಕ, ಶ್ರೀ ಸುಧೀರ್, ಯಶೋಧ ಕೇಶವ್, ವಿದ್ಯಾಶ್ರೀ ಎಸ್, ಶಂಕರ ಸ್ವಾಮಿ ಕೃಪಾ ಇಂಚ ಪಾಕ ಜನ ಸಂಪನ್ಮೂಲ ವ್ಯಕ್ತಿಲು ಪಾಲ್‌ಪಡೆಯೆರ ಉಲ್ಲೆರ್.
ಮುಖ್ಯ ಅಭ್ಯಾಗತೆರಾದ್ ತುಳು ಪೊರ್ಮ್ಬಾಟಗಾರೆ ಶ್ರೀ ಹರಿಕೃಷ್ಣ ಪುನರೂರು, ಲಯನ್ ದಿವಾಕರ ಶೆಟ್ಟಿ ಸಾಂಗ್ಲಿ, ಕ.ಜಾ.ಪ. ಬೆಂಗಳೂರು ದ. ಕ. ಜಿಲ್ಲಾಧ್ಯಕ್ಷೆ ಶ್ರೀ ಪ್ರವೀಣ್ ಕುಮಾರ್ ಕೊಡಿಯಾಲ್‌ಬೈಲ್, ಮಂದಾರ ಪ್ರತಿಷ್ಠಾನೊದ ಅಧ್ಯಕ್ಷೆರ್ ಡಾ. ರಾಜೇಶ್ ಭಟ್ ಮಂದಾರ, ತುಳುನಾಡ್ ರಕ್ಷಣಾ ವೇದಿಕೆದ ಸ್ಥಾಪಕ ಅಧ್ಯಕ್ಷೆರ್ ಯೋಗೀಶ್ ಶೆಟ್ಟಿ ಜೆಪ್ಪು, ಕಟೀಲ್ ಎಸ್.ಡಿ. ಪಿ.ಟಿ. ಕಾಲೇಜ್‌ದ ಪ್ರಿನ್ಸಿಪಾಲ್ ಡಾ. ವಿಜಯ, ಹಿಂದುಸ್ತಾನ್ ಪೆಟ್ರೋಲಿಯಂದ ನಿವೃತ್ತ ಚೀಫ್ ಮ್ಯಾನೇಜರ್ ಶ್ರೀ ವಸಂತ ರೈ ಬೊಕ್ಕ ಪದ್ಮಶ್ರೀ ಭಟ್ ನಿಡ್ಡೋಡಿ ಪಾಲ್‌ಪಡೆಪೆರ್.
ತುಳುವರ್ಲ್ಡ್ ಫೌಂಡೇಶನ್‌ದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಅಬುದಾಬಿ, ಉಪಾಧ್ಯಕ್ಷೆರ್ ಡಾ. ನಿರಂಜನ ರೈ ಉಬಾರ್, ತಾರಾ ಆಚಾರ್ಯ ಒಡಿಪು, ಪ್ರಧಾನ ಕಾರ್ಯದರ್ಶಿ ಪ್ರೊ. ಪುರುಷೋತ್ತಮ ಬಲ್ಯಾಯ, ಪಣವುದ ಪಾಲವೆರ್ ಚಂದ್ರಹಾಸ ದೇವಾಡಿಗ ಬೆದ್ರ, ಪ್ರಧಾನ ಸಂಚಾಲಕೆರ್ ಪ್ರಮೋದ್ ಸಪ್ರೆ, ನಿರ್ದೇಶಕೆರ್ ಡಾ. ರಾಜೇಶ್ ಆಳ್ವ ಮೊಕುಲು ಮಾತ ಪಾಲ್ ಪಡೆಪೆರ್.
ಬೊಲಿಕೆ ಜಾನಪದ ತಂಡ ಕನ್ಯಪ್ಪಾಡಿ ಬೊಕ್ಕ ವಾಯ್ಸ್ ಆಫ್ ಆರಾಧನಾ ಜೋಕುಲೆರ್ದ್ ಜನಪದ ಕಾರ್ಯಕ್ರಮೊಲು ನಡಪುವ.