Last updated on September 20th, 2022 at 05:30 pm
ಜಿಮ್ ಲೆಡ್ ಅವೈಜ್ಞಾನಿಕ ರೀತಿಡ್ ಕೊರ್ಪಿನ ಪ್ರೋಟೀನ್ ಪೌಡರ್ಲೆದಾವರ ಜವನೆರೆಗ್ ಆರೋಗ್ಯ ಸಮಸ್ಯೆ ಆವೊಂದುಂಡು, ಅಲಾಂಬುಲೆಕ್ಕ ಅಲ್ಪ ಮುಲ್ಪ ಪೋಪಿನ ಮಾತೆರ್ಲಾ ಫಿಟ್ನೆಸ್ ಪ್ರವೀಣೆರ್ ಆತೆರ್, ದಪ್ಪ ಇತ್ತಿನಾಯನ್ ಸಪೂರ ಮಲ್ಪುವ ಪನ್ದ್ ಪನ್ನಗ ಮಾತೆರ್ಲ ಆಸೆ ಆದ್ ಅವೆನ್ ದೆತೊನುವೆರ್ ಅವ್ ಮಸ್ತ್ ಅವೈಜ್ಞಾನಿಕವಾದುಂಡು ಪನ್ದ್ ಸ್ಪೀಕರ್ ಕಾಗೇರಿ ಸದನೊಡು ಪಂಡೆರ್. ಆರೋಗ್ಯ, ಗೃಹ ಬೊಕ್ಕ ಆಹಾರ ಇಲಾಖೆ ಒಂಜಾದ್ ಉಂದು ಸಮನಾ ಕಲುವಾ ಪನ್ದ್ ನಾಡ್ ಪತ್ತೊಡು ಬೊಕ್ಕ ಬೋಡಾಯಿನ ತಿರ ಮಲ್ಪೊಡು ಪನ್ದ್ ಪಂಡೆರ್.
ಉಂದೆನ್ ಒತ್ತೊನಿನ ಸತೀಶ್ ರೆಡ್ಡಿ ಜಿಮ್ ಲೆಡ್ ಪ್ರೋಟೀನ್ ಪೌಡರ್ ಕಲ್ವಕೈಟ್ ಮಾರುವೆರ್, ಎನ್ನ ಕ್ಷೇತ್ರೊಡು ಒರಿ ಸಂತೋಷ್ ಪನ್ಪಿನ ಆನ್ ಉಂದೆನ್ ದೆತೊಂದು ಇತ್ತೆ ಆಯನ ಅಂಗಾಂಗ ವೈಫಲ್ಯ ಆತ್ಂಡ್. ಆಯಗ್ ಮರ್ದ್’ಗ್ ಇತೋರ್ತು ಐವ ಲಕ್ಷೊರ್ದ್ ದಿಂಜ ಕರ್ಚಾಂಡ್. ಉಂದೆನ್ ಇತ್ತೆನೇ ಬ್ಯಾನ್ ಮಲ್ಪೊಡು ಪಂಡೆರ್.