Last updated on March 17th, 2025 at 10:13 am
ಸುಳ್ಯ, ಮಾ. 17: ಇಲ್ಲಡ್ ಉಂತಾದಿತ್ತಿನ ಕಾರ್ ಒರರ್ದ್ ಒರಾನೆ ರಿವರ್ಸ್ ಪೋದು, ಕಾರ್‌ದ ಪಿರವು ಉಂತುದಿತ್ತಿನ ರಿಟೈರ್ಡ್ ರೇಂಜರ್ ಕಾರ್‌ದ ಅಡಿಕ್ ಬೂರ್ದು ತೀರ್ದಿನ ನಡಕೆ ಸುಳ್ಯಡ್ ನಡತ್‌ದ್ಂಡ್.
ತೀರ್ದಿನಾರೆನ್ ರಿಟೈರ್ಡ್ ರೇಂಜರ್ ಜೋಸೆಫ್ (74) ಪನ್ದ್ ಗುರ್ತ ಪತ್ತ್‌ದೆರ್. ಸುಳ್ಯ ಕರಿಕ್ಕಳದ ಮುಚ್ಚಿಲಡ್ ಇಪ್ಪುನ ತನ್ನ ಇಲ್ಲದ ಜಾಲ್‌ಡ್ ಉಂತುದಿಪ್ಪುನಗ ಕಾರ್ ಪಿರವು ಬತ್ತ್‌ದ್ ಜೋಸೇಫ್‌ರೆಗ್ ಎಡ್ಪುನಗ ಆರ್ ಕುಸ್ಕ್‌ದ್ ಬೂರ್ದೆರ್.
ಇಲ್ಲಡ್ ಆರೆನ ಬೊಡೆದಿ ಮಾತ್ರ ಇತ್ತ್‌ದ್ ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಸಾದಿ ನಡುಟು ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಅರಣ್ಯ ಇಲಾಖೆಡ್ ಪಂಜ, ಕುಡ್ಲ ಅಂಚೆನೇ ಸಂಪಾಜೆ ಡ್ ಸೇವೆ ಮಲ್ತ್‌ದ್ ಸಂಪಾಜೆಡ್ ರೇಂಜರ್ ಆದ್ ರಿಟೈರ್ಡ್ ಆದಿತ್ತೆರ್.