Last updated on March 18th, 2025 at 02:33 pm
ಹೈದರಾಬಾದ್, ಮಾ.18: ಪಾಕ ಯೋಜನೆಲೆನ್ ಜಾರಿಮಲ್ತಿನೆರ್ದಾವರ ಇತ್ತೆ ಸರ್ಕಾರೊದ ಕೈಟ್ ಸಂಬಳ ಕೊರ್ಯೆರಲಾ ಕಾಸ್ ಇಜ್ಜಿ. ಅಂಚಾದ್ ಪರಿಸ್ಥಿತಿನ್ ಅಂಕೆಗ್ ಕನಯೆರೆ ಆರ್‌ಬಿಐರ್ದ್ 4,000 ಕೋಟಿ ರೂ. ಕೈ ಕಡ ಗೆತೊಂದ ಪನ್ದ್ ತೆಲಂಗಾಣ ಸಿಎಂ ರೇವಂತ್ ರೆಡ್ಡಿ ತೆರಿಪಾದೆರ್.
ವಿಧಾನ ಪರಿಷತ್‌ಡ್ ಪಾತೆರ್ನ ಆರ್, ಎಂಕ್ಲೆನ ಸರ್ಕಾರ ಕಡತ ಪುದೆ ಬೊಕ್ಕ ಬೇತೆ ನೆವನೊಲೆರ್ದಾವರ ಕಾಸ್‌ದ ಕುಂದೆಲ್‌ಡ್ ಉಂಡು. ಕಾಸ್ ಇಜ್ಜಂದಿನೆರ್ದಾವರ ರಾಜ್ಯ ನೌಕರೆರೆಗ್ ಪ್ರತೀ ತಿಂಗೊಲ್ದ ಸುರುಟು ಸಂಬಳ ಕೊರ್ಯೆರ ಬಂಙ ಆವೊಂದುಂಡು. ನೌಕರೆರ್ ಡಿಎ ಕೇನುನು ಸಮ. ಆಂಡ ಇತ್ತೆದ ಬಂಙೊದ ಆರ್ಥಿಕ ಪರಿಸ್ಥಿತಿನ್ ಗೇನೊಡು ದೀವೊಂದು ಅವೆಕ್ ಒತ್ತಾಯ ಮಲ್ಪಡೆ. ದುಂಬಗ್ ಸರ್ಕಾರೊದ ಕಾಸ್‌ದ ಪರಿಸ್ಥಿತಿದ ಪತ್ತ ಒಲವು ಕೊರ್ಪೆ ಪನ್ದ್ ಪನ್ತೆರ್.
ಸರ್ಕಾರಿ ನೌಕರೆರ್ ನನದ ದಿನೊಟು ತನ್ಕುಲೆ ಬೇಲೆನ್ ಸೇವೆದ ಲೆಕ ಮನ್ಪೊಡು. ನೌಕರೆರ್ ದಯದೀದ್ ಸರ್ಕಾರೊದ ಒಟ್ಟುಗು ಸಹಕರಿಪೊಡು ಪನ್ದ್ ಆರ್ ಬಿನ್ನಯ ಮಲ್ತೊಂದೆರ್.