ನಾಗ್ಪುರೊಡು ಹಿಂಸಾಚಾರ: ರಾಜಕಾರಣಿ ಫಾಹೀಮ್ ಖಾನ್ ಕೈದ್

Last updated on March 20th, 2025 at 10:00 am

ಮುಂಬೈ, ಮಾ. 20: ಮಹಾರಾಷ್ಟ್ರದ ನಾಗ್ಪುರೊಡು ಈ ವಾರ ನಡತಿನ ಕೊಲಲದ ಪಿಲವು ಮೊಘಲ್ ರಾಜೆ ಔರಂಗಜೇಬ್‌ನ ಗೋರಿನ್ ರಾಜ್ಯೊರ್ದು ಪಿದಯಿ ಕೊನೊಪುನ ಕಾಯೆಸ್‌ಗ್ ರಡ್ಡ್ ಸಮುದಾಯೊಲೆನ ನಡುಟು ಘರ್ಷಣೆ ನಡತಿತ್ತ್‌ದ್ , ಹಿಂಸಾಚಾರೊಗು ಪ್ರಚೋದನೆ ಕೊರ್ತಿನ ಫಾಹೀಮ್ ಖಾನ್ ಪನ್ದ್ ಗುರ್ತ ಪತ್ತ್‌ದಿನ ಪ್ರಮುಖ ಆರೋಪಿನ್ ಪೊಲೀಸೆರ್ ಕೋಡೆ ಕೈದ್ ಮಲ್ದೆರ್.

ಮೈನಾರಿಟಿ ಡೆಮಾಕ್ರಟಿಕ್ ಪಕ್ಷೊದ ರಾಜಕಾರಣಿ ಫಾಹಿಮ್ ಖಾನ್ ಶುಕ್ರವಾರ ಮುಟ್ಟ ಬಂಧನೊಡು ಇಪ್ಪುವೆ. ಹಿಂಸಾಚಾರೊಗು ಸಂಬಂಧಿತ್‌ದ್ ಇದಮುಟ್ಟ 60 ಜನೊನು ಕೈದ್ ಮಲ್ದೆರ್. ಪೊಲೀಸೆರ್ ಆಜಿ ಪ್ರಕರಣೊಲೆನ್ ದಾಕಲ್ತ್‌ದೆರ್ ಅಂಚೆನೇ 1,200 ಜನತ ಮಿತ್ತ್ ದೂರು ದಾಕಲ್ತೊಂದೆರ್. ಒರಿನಕ್ಲೆನ್ ನಾಡ್‌ಪತ್ತುನ ಬೇಲೆ ನಡತೊಂದುಂಡು.