Last updated on April 7th, 2025 at 02:06 pm
ಅಮೆರಿಕ ಅಧ್ಯಕ್ಷೆ ಡೊನಾಲ್ಡ್ ಟ್ರಂಪ್ ನ ಸುಂಕ ಇಡೀ ಷೇರ್ ಮಾರ್ಕೆಟ್‌ನ್ ಅಡಿಮೇಲ್ ಮಲ್ದ್ಂಡ್. ಸೋಮಾರ ಏಪ್ರಿಲ್ 7 ತಾನಿ, ಸೆನ್ಸೆಕ್ಸ್ 4000 ಪಾಯಿಂಟ್‌ದಾತ್ ಜತ್ತ್‌ದ್ ಸುಮಾರ್ 72,300 ಗ್ ಎತ್ತ್‌ದ್ಂಡಾ, ನಿಫ್ಟಿ 900 ಪಾಯಿಂಟ್‌ದಾತ್ ಜತ್ತ್‌ದ್, 22,000 ರ್ದ್ ತಿರ್ತ್ ಎತ್ತ್‌ದ್ಂಡ್.
ಕಾಂಡೆ 10 ಗಂಟೆ ಮುಟ್ಟ, ಸೆನ್ಸೆಕ್ಸ್‌ದ 30 ಷೇರ್‌ಲ್ ಕೆಂಪು ಗುರ್ತಡ್ ವೈವಾಟ್ ಮಲ್ತೊಂದಿತ್ತ. ಟಾಟಾ ಸ್ಟೀಲ್, ಟಾಟಾ ಮೋಟಾರ್ಸ್, ಇನ್ಫೋಸಿಸ್‌ ದಂಚಿನ ಮಲ್ಲ ಕಂಪೆನಿಲು ಬಾರೀ ಪ್ರೆಷರ್‌ಡ್ ಇತ್ತ. ಎನ್‌ಎಸ್‌ಇ ದ ವಲಯ ಸೂಚ್ಯಂಕೊಡು ನಿಫ್ಟಿ ಮೆಟಲ್ ಮಾತೆರ್ದ್ ಎಚ್ಚ ನಷ್ಟೊನು ತೂತುಂಡು. ಐಟಿ, ಆಯಿಲ್ & ಗ್ಯಾಸ್ ಬೊಕ್ಕ ಆರೋಗ್ಯ ಸೂಚ್ಯಂಕೊಲುಲಾ ತಿರ್ತ ಸಾದಿ ತೂತ.
ಭಾರತ ಮಾತ್ರ ಅತ್ತಂದೆ, ಲೋಕೊರ್ಮೆದ ಷೇರ್ ಮಾರ್ಕೆಟ್‌ಲು ಟ್ರಂಪ್ ಟ್ಯಾಕ್ಸ್‌ರ್ದ್ ಅಡಿಮೇಲ್ ಆವೊಂದುಲ್ಲ. ಜಪಾನ್, ಕೊರಿಯಾ, ಚೈನಾ, ಹಾಂಕಾಂಗ್‌ದ ಮಾರ್ಕೆಟ್‌ಲ್ಲಾ ಜತ್ತೊಂದುಲ್ಲ.
ಚೈನಾದ ಮಿತ್ತ್ 34%, ಭಾರತೊದ ಮಿತ್ತ್ 26% ಬೊಕ್ಕ ಯುರೋಪಿಯನ್ ಒಕ್ಕೂಟೊದ ಮಿತ್ತ್ 20% ಪನ್ದ್ ಟ್ರಂಪ್ ಪರಸ್ಪರ ಸುಂಕ ಪಾಡ್ದೆರ್. ಉಂದು ಅಮೆರಿಕ ಬೊಕ್ಕ ಜಾಗತಿಕ ಪಣವು ಮಾರ್ಕೆಟ್‌ಲೆಗ್ ಶಾಕ್ ಕೊರ್ತುಂಡು. ಉಂದೆರ್ದಾವರ, ಇಂಚಿಪೊದ ದಿನೊಟು ಅಮೆರಿಕದ ಷೇರ್‌ಲೆನ ಮೌಲ್ಯೊರ್ದು ಸುಮಾರ್ 6 ಟ್ರಿಲಿಯನ್ ಡಾಲರ್‌ದಾತ್ ನಷ್ಟ ಆತ್ಂಡ್.