ಬಂಟ್ವಾಳ – ಸಾದಿ ಬರಿತ ಚರಂಡಿಗ್ ಬೂರ್ನ ಸ್ಕೂಟರ್ – ಸ್ಕೂಟರ್ ಬುಡೊಂದಿತ್ತಿನಾರ್ ಕಾಲಿ

Last updated on April 16th, 2025 at 06:49 pm

ಬಂಟ್ವಾಳ, ಎ. 16: ಸ್ಕೂಟರ್ ಅಂಕೆ ತತ್ತ್‌ದ್ ಸಾದಿ ಬರಿತ ಚರಂಡಿಗ್ ಬೂರಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಪಚ್ಚಿನಡ್ಕ ಪನ್ಪಿನಲ್ಪ ಬುಧವಾರ ನಡತ್‌ದ್ಂಡ್. ತೀರ್ದಿನಾರೆನ್ ಕಳ್ಳಿಗೆ ಗ್ರಾಮೊದ ಮೆಟ್ರೋಯಿ ಡೇಸಾ (24) ಪನ್ದ್ ಗುರ್ತ ಪತ್ತ್‌ದೆರ್.

ಮೆಟ್ರೋಯಿ ಡೇಸಾ ಮೇರ್ ಬೆರ್ಮೆರೆಕೂಟೇಲ್ ದಂಚಿರ್ದ್ ಪಚ್ಚಿನಡ್ಕ ದಂಚಿ ಬರೊಂದುಪ್ಪುನ ಪೊರ್ತುಡು ಸ್ಕೂಟರ್ ಅಲಕ್ಕ ಸಾದಿದ ಬರಿಕ್ ಪೋದು ಬೊಕ್ಕ ಅಂಕೆ ತತ್ತ್‌ದ್ ಚರಂಡಿಗ್ ಬೂರ್ದ್ಂಡ್. ಅಂಚಾದ್ ಆರೆಗ್ ಗಡಿಕುಲಾದಿತ್ತ್‌ದ್, ಅಪಗನೇ ಮುಟ್ಟದ ತುಂಬೆ ಆಸ್ಪತ್ರೆಗ್ ಲೆತೊಂದು ಪೋದು, ಬೈದ್ಯೆರೊ ಪರೀಕ್ಷಿಪುನಗ ತೀರ್ದೆರ್ ಪನ್ದ್ ತೆರಿಪಾದೆರ್. ನಡಕೆದ ಜಾಗೆಗ್ ಪಾಣೇರ್ ಪೊಲೀಸೆರ್ ಬತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.