Last updated on May 6th, 2025 at 12:45 pm
ಒಡಿಪು, ಮೇ. 05 : ಮುಖ್ಯಮಂತ್ರಿ ಸಿದ್ದರಾಮಯ್ಯನ ಮಿತ್ತ್ ಸಾಮಾಜಿಕ ಬಲೆತ್ತಾನೊಡು ಬೊರ್ಚಂದಿನ ಕಮೆಂಟ್ ಮಲ್ದಿನ ಆರೋಪಿನ್ ಕಾರ್ಲ ಪೊಲೀಸೆರ್ ಕೈದ್ ಮಲ್ತ್ದೆರ್. ಆರೋಪಿಗ್ 14 ದಿನೊತ ನ್ಯಾಯಾಂಗ ಬಂಧನ ಪಾಡ್ದೆರ್.
ಕಾರ್ಲದ ಹೋಂ ಗಾರ್ಡ್ ಸಂಪತ್ ಸಾಲಿಯಾನ್ ಕೈದಾತಿನ ಆರೋಪಿ.
ಬೆಂಗಳೂರ್ದ ಹೋಂ ಗಾರ್ಡ್ ಕಚೇರಿಡ್ ಬೇಲೆ ಮಲ್ತೊಂದಿತ್ತಿನ ಸಂಪತ್ ಸಾಲಿಯಾನ್ ಪನ್ಪಿನಾಯೆ ‘ಸಿಎಂ ಸಿದ್ದರಾಮಯ್ಯನ್ ಕೆರ್ನ್ಡ ಹಿಂದೂಲೆಗ್ ನೆಮ್ಮದಿ’ ಪನ್ದ್ ಇನ್ಸ್ಟಾಗ್ರಾಮ್ಡ್ ಪ್ರಚೋದನಕಾರಿ ಕಮೆಂಟ್ ಮಲ್ತ್ದೆ. ಈ ಬಗೆಟ್ ಕಾರ್ಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಜಡ್ತೆಡ್ ಮಲ್ತ್ದ್ ಆರೋಪಿ ಬೆಂಗಳೂರ್ದ ಹೋಂಗಾರ್ಡ್ ಕಚೇರಿಡ್ ಬೇಲೆ ಮಲ್ತೊಂದಿತ್ತಿನ ಸಂಪತ್ ಸಾಲಿಯಾನ್ನ್ ಮೇ 4ತಾನಿ ಕೈದ್ ಮಲ್ತ್ದ್ ನ್ಯಾಯಾಧೀಶೆರೆ ಎದುರು ಹಾಜಿರಿ ಮಲ್ದೆರ್. ನ್ಯಾಯಂತಡೆ ಆರೋಪಿಗ್ 14 ದಿನೊತ ನ್ಯಾಯಾಂಗ ಬಂಧನ ಕೊರ್ತುಂಡು ಪನ್ದ್ ಒಡಿಪು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ.ಅರುಣ್ ಕೆ. ತೆರಿಪಾದೆರ್.