Last updated on May 7th, 2025 at 11:27 am
ಕಾಶ್ಮೀರ ಮೇ 07: ಪಹಲ್ಗಾಮ್ ದಾಳಿಗ್ ಉತ್ತರ ಆದ್ ಭಾರತ ಪಾಕಿಸ್ತಾನೊಗು ಪೊಗ್ಗುದ್ ಭಯೋತ್ಪಾದಕೆರ್ ದೆಂಗ್ದ್ ಕುಲ್ದಿನ ಜಾಗೆಲೆನ್ ಪೊಡಿ ಮಲ್ದ್ಂಡ್. ಉಂದೆತ ಬೆರಿಟೇ ನನಲಾ ಪಾಠ ಕಲ್ಪಂದಿನ ಪಾಕಿಸ್ತಾನ ಈತ್ತೆ ಜಮ್ಮು ಬೊಕ್ಕ ಕಾಶ್ಮೀರಡೆ ಒರ್ಮೆ ಅಂತಾರಾಷ್ಟ್ರೀಯ ಗಡಿ ನಿಯಂತ್ರಣ ರೇಖೆ (Line of Control – LOC)ಡ್ ಅಪ್ರಚೋದಿತ ರೀತಿಡ್ ಫೈರಿಂಗ್ ಸುರು ಮಲ್ದ್ಂಡ್. ನಾಗರಿಕೆರೆ ಮಿತ್ತ್ ಫೈರಿಂಗ್ ಮಲ್ದಿನ ಪಾಕಿಸ್ತಾನ ಸೇನೆದ ದಾಳಿಗ್ ಪೊಂಜೊವು ಜೋಕುಲು ಸೇರ್ದ್ ಏಳ್ ಜನ ತೀರ್ದ್, 38 ಜನೊಕು ಗಡಿಕುಲಾತ.
ಪಾಕಿಸ್ತಾನ ಬೊಕ್ಕ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರೊಡು ಭಯೋತ್ಪಾದಕೆರೆ 9 ಜಾಗೆಲೆನ್ ಮಿಸೈಲ್ ಬುಡ್ದ್ ಪೊಡಿ ಮಲ್ತಿ ಬೊಕ್ಕ ಪಾಕಿಸ್ತಾನ ಪಡೆಕುಲು ಮಲ್ತೊಂದುಪ್ಪುನ ಕದನ ವಿರಾಮ ಉಲ್ಲಂಘನೆ ದಾಳಿಗ್, ಭಾರತೀಯ ಸೇನೆ ಶೆಲ್ ದಾಳಿಗ್ ಅವ್ವೇ ಪ್ರಮಾಣೊದ ಪ್ರತಿಕ್ರಿಯೆ ಕೊರೊಂದುಂಡು.
ಮಾತಾ ಏಳ್ ನಾಗರಿಕೆರೆ ಸಾವುಲು ಪೂಂಚ್ ಜಿಲ್ಲೆಡ್ ವರದಿ ಆದಿತ್ತ್ದ್, ನನಲಾ 25 ಜನೊಕು ಗಡಿಕುಲಾತ ಪನ್ದ್ ಅಧಿಕಾರಿಲು ತೆರಿಪಾದೆರ್.
ಬಾರಾಮುಲ್ಲಾ ಜಿಲ್ಲೆದ ಉರಿ ಸೆಕ್ಟರ್ಡ್ ಪತ್ತ್ ಜನಕ್ ಪೆಟ್ಟಾತ್ಂಡ್. ರಾಜೌರಿ ಜಿಲ್ಲೆಡ್ ಮೂವೆರೆಗ್ ಪೆಟ್ಟಾತ್ಂಡ್. ಮೇ 06-07 ತ ರಾತ್ರೆ, ಪಾಕಿಸ್ತಾನ ಸೇನೆ ಜಮ್ಮು-ಕಾಶ್ಮೀರೊದ ಎದುರು LOC ಪೋಸ್ಟ್ಲೆರ್ದ್ ಫಿರಂಗಿ ಶೆಲ್ಲಿಂಗ್ ಸೇರ್ದ್ ಅನಿಯಂತ್ರಿತ ಫೈರಿಂಗ್ ಮಲ್ತ್ದ್ಂಡ್ ಪನ್ದ್ ಸೇನೆ ತೆರಿಪಾದ್ಂಡ್.