Last updated on May 14th, 2025 at 04:35 pm
ಒಟ್ಟಾವಾ: ಕೆನಡಾದ ಪೊಸ ಪ್ರಧಾನಿ ಮಾರ್ಕ್ ಕಾರ್ನಿ ಮಲ್ದಿನ ಪೊಸ ಸಂಪುಟೊಡು ಭಾರತೊದ ಕಡೀರ್ದ ಹಿಂದೂ ಪೊಂಜೊವು ಅನಿತಾ ಆನಂದ್ ವಿದೇಶಾಂಗ ಸಚಿವೆದಿಯಾದ್ ಗೋಡ್ದೆರ್ ಪನ್ದ್ ವರದಿಲು ತೆರಿಪಾದ.
ಜಸ್ಟೀನ್ ಟ್ರೂಡೊ ಕೆನಡಾದ ಪ್ರಧಾನಿ ಹುದ್ದೆಗ್ ರಾಜೀನಾಮೆ ಕೊರಿಬೊಕ್ಕ ನಡತಿನ ಸಾರ್ವತ್ರಿಕ ಚುನಾವಣೆಡ್ ಮಾರ್ಕ್ ಕಾರ್ನಿ ಗೆಂದ್ದಿತ್ತೆರ್.
ಅನಿತಾ ಆನಂದ್ ಕೈಟ್ ಭಗವದ್ಗೀತೆನ್ ಪತೊಂದು ವಿದೇಶಾಂಗ ಸಚಿವೆದಿ ಆದ್ ಪ್ರಮಾಣವಚನ ಗೆತೊಂದೆರ್. ಉಂದೆಕ್ ದುಂಬು ಸಂಪುಟ ಜವಾಬ್ದಾರಿ ತಿಕ್ಕ್ನಗಲಾ ಭಗವದ್ಗೀತೆ ಪತೊಂದು ಪ್ರಮಾಣವಚನ ಗೆತೊಂದಿತ್ತೆರ್
ಭಾರತೀಯ ಮೂಲೊದ ರಾಜಕಾರಣಿ ಅನಿತಾ ಆನಂದ್(58ವರ್ಷ) ಕೆನಡಾದ ರಕ್ಷಣಾ ಸಚಿವೆದಿ ಸ್ಥಾನ ಸೇರ್ದ್ ಪಾಕ ಉನ್ನತ ಹುದ್ದೆಲೆಡ್ ಬೇಲೆ ಮಲ್ದೆರ್. ಅಂಚಾದ್ ಕೆನಡಾಡ್ ಹೈಪ್ರೊಫೈಲ್ ಹುದ್ದೆ ಇತ್ತಿನ ಕಡೀರ್ದ ಹಿಂದೂ ಪೊಂಜೊವು ಪನ್ಪಿ ಪುದರ್ಲಾ ಪಡೆಯೊಂದೆರ್.