Last updated on May 16th, 2025 at 03:34 pm
ಕುಡ್ಲ, ಮೇ. 16: ಕಡಲ ನಡುಟು ಲಕ್ಷದ್ವೀಪೊಗು ಪೋವೊಂದಿತ್ತಿನ ಗೂಡ್ಸ್ ಪಡವು ಕುಡ್ಲರ್ದ್ 60 ನಾಟಿಕಲ್ ಮೈಲ್ ದೂರೊಡು ಮುರ್ಕುದ್ಂಡ್.
ಎಂಎಸ್ವಿ ಸಲಾಮತ್ ಪುದರ್ದ ಕುಡ್ಲದ ಸರ್ಕ್ ಕೊನೊಪುನ ಪಡವು ಮೇ 12ತಾನಿ ಕುಡ್ಲ ಬಂದರ್ರ್ದ್ ಸಿಮೆಂಟ್ ಬೊಕ್ಕ ಕಂಸ್ಟ್ರಕ್ಷನ್ ಸೊತ್ತುಲೆನ್ ದಿಂಜಾವೊಂದು ಲಕ್ಷದ್ವೀಪೊದಂಚಿ ಪಿದಡ್ದಿತ್ತ್ಂಡ್. ಮೇ18 ದಾನಿ ಲಕ್ಷದ್ವೀಪೊದ ಕಡಮತ್ ಕುದುರುಗ್ ಎತ್ತೊಡಾಂಡ್. ಸಾದಿ ನಡುಟು ತಾಂತ್ರಿಕ ಸಮಸ್ಯೆರ್ದಾವರ ಉಲಯಿ ನೀರ್ ಪೊಗ್ಗುದು ಪಡವು ಮುರ್ಕುದುಂಡು.
ಪಡವುಡು 6 ಭಾರತೀಯ ಸಿಬ್ಬಂದಿಲು ಇತ್ತೆರ್. ಈ ಪೊರ್ತುಡು ಮಾತಾ ಸಿಬ್ಬಂದಿಲು ಪಡವುರ್ದ್ ಲಾಗಿದ್ ಎಲ್ಯ ಡಿಂಗಿ ಬೋಟ್ಡ್ ಪೆರಣ ಒರಿಪಾವೊಂದೆರ್. ಭಾರತೀಯ ಕೋಸ್ಟ್ ಗಾರ್ಡ್ ಪಡೆಕ್ ಬತ್ತಿವ ಒಲವುರ್ದಾವರ ಗಸ್ತ್ ತಿರ್ಗೊಂದಿತ್ತಿನ ಕೋಸ್ಟ್ ಗಾರ್ಡ್ದ ‘ವಿಕ್ರಂ’ ಶಿಪ್ಡ್ ರಕ್ಷಣೆ ಮಲ್ತ್ದೆರ್.
ಇಸ್ಮಾಯಿಲ್ ಶರೀಫ್, ಅಲೆಮನ್ ಅಹ್ಮದ್ ಬಾಯ್ ಗಾವ್ಡ, ಕಾಕಲ್ ಸುಲೇಮಾನ್ ಇಸ್ಮಾಯಿಲ್, ಅಕ್ಬರ್ ಅಬ್ದುಲ್ ಸುರಾನಿ, ಕಸಂ ಇಸ್ಮಾಯಿಲ್ ಮತ್ತು ಅಜ್ಮಲ್ ಮೊಕಲೆನ ರಕ್ಷಣೆ ಮಲ್ತ್ದೆರ್.