Last updated on May 18th, 2025 at 12:02 pm
ಬೊಲ್ತೇರ್, ಮೇ. 18: ಮೇ 17 ತಾನಿ ಸ್ಪೇಸ್‌‌ಜೆಟ್‌ ಕಂಪನಿಡ್ ಬೇಲೆ ಮಲ್ಪುನ, ಕುಡುಮದ ಅಕಾಂಕ್ಷ ಎಸ್‌.ಎನ್‌ (22) ಪಂಜಾಬ್ಡ್ ನಿಗೂಢವಾದ್ ತೀರ್ದೆರ್.
ಮೇರ್ ಧರ್ಮಸ್ಥಳ ಗ್ರಾಮೊದ ಬೊಳಿಯಾರ್‌ದ ಸಿಂಧೂ ದೇವಿ ಬೊಕ್ಕ ಸುರೇಂದ್ರ ದಂಪತಿಲೆನ ಮಗಲ್. ಎಲ್‌.ಪಿ.ಯು ಕಾಲೇಜ್ ಪಂಜಾಬ್‌ ಪಗುವಾರ ಜಲಂದರ್‌‌ಡ್ ಕಲ್ತ್‌ದ್ ಸ್ಪೇಸ್‌ ಜೆಟ್‌ ಕಂಪನಿಡ್ ಬೇಲೆ ಮಲ್ತೊಂದಿತ್ತೆರ್. ಮೇರ್ ಈ ದಂಪತಿಲೆನ ರಡ್ಡನೇ ಮಗಲ್. ಪಂಜಾಬ್‌ದ ಎಲ್‌ಪಿಯು ಪಗ್ವಾಡ ಕಾಲೇಜಿಡ್ ಉನ್ನತ ಶಿಕ್ಷಣ ಮಲ್ದಿನ ಮೇರ್, ಜಪಾನ್‌ಗ್ ಬೇಲೆಗ್ ಪೋಪಿನ ಮಾತಾ ಅಟ್ಟನೆ ಮಲ್ತೊಂದು, ಪಂಜಾಬ್‌ ಎಲ್‌.ಪಿಯು ಪಗ್ವಾಡ ಕಾಲೇಜಿರ್ದ್ ಸರ್ಟಿಫಿಕೇಟ್‌ ಗೆತೊನ್ರ ಪೋದಿತ್ತೆರ್, ಈ ಬಗೆಟ್ ತನ್ನ ಇಲ್ಲದಕುಲೆಗ್ ಕಾಲ್ ಮಲ್ತ್ ತೆರಿಪಾದಿತ್ತೆರ್‌ಗೆ.
ಪಂಜಾಬ್‌ದ ಜಲಂದರ್‌ ಪೊಲೀಸ್‌ ಸ್ಟೇಷನ್‌ಡ್ ಈ ಬಗೆಟ್ ಪ್ರಕರಣ ದಾಕಲಾತ್ಂಡ್. ಮೇ 17 ತ ರಾತ್ರೆನೇ ಇಲ್ಲದಕುಲು ಪಂಜಾಬ್‌ಗ್ ಪೋತೆರ್. ಮೂಜನೇ ಮಾಲಿಗೆರ್ದ್ ತಿರ್ತ್ ಬೂರ್ದು ತೀರ್ದೆರ್ ಪನ್ದ್ ಪ್ರಾಥಮಿಕ ಒಲವುದ ಪ್ರಕಾರ ತೆರಿದ್ ಬೈದ್ಂಡ್ ಪನ್ದ್ ವರದಿ ಆತ್ಂಡ್. ಆಂಡ ತನ್ನ ಮಗಲೆನ್ ಏರಾ ಕೆರ್ತೆರ್ ಪನ್ದ್ ಅಮ್ಮೆರೊ ಆರೋಪ ಮಲ್ತೊಂದಿತ್ತ್‌ದ್, ನಡಕೆದ ಬಗೆಟ್ ಎಚ್ಚಿನ ಒಲವು ನನ ತೆರಿದ್ ಬರೊಡಾತೆ.