Last updated on May 22nd, 2025 at 04:21 pm
ಕಡಬ, ಮೇ. 22: ಒಂಜಿ ವಾರೊಗು ದುಂಬು ಸುಬ್ರಹ್ಮಣ್ಯ-ಉಬಾರ್ ರಾಜ್ಯ ಪೆರ್ಸಾದಿದ ಕೊೖಲಡ್ ನಡತಿನ ಎಡ್ತೆಡ್ ಗಾತಿದ ಗಡಿಕುಲಾದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದಿತ್ತಿನ ಪರನೇರೆಂಕಿ ಗ್ರಾಮೊದ ಮಡೆಂಜಿಮಾರ್ದ ಪದ್ಮನಾಭೆ (48) ಮೇರ್ ಮರ್ದ್ ಪಲಿಪಂದೆ ಮೇ 18 ದಾನಿ ರಾತ್ರೆ ತೀರ್ದೆರ್.
ಮೇ 11 ತಾನಿ ರಾತ್ರೆ ಪದ್ಮನಾಭೆರ್ ತನ್ನ ಮೆಗ್ಯೆ ಸುದರ್ಶನ್ ಅಂಚೆನೇ ಪಾಸಾಡಿಲು ಚೇತನ್ ಬೊಕ್ಕ ಸತೀಶ್ ಮೊಕಲೆನೊಟ್ಟುಗು ಉಬಾರ್ದಂಚಿರ್ದ್ ಒಂಜಿ ಲೇಸ್ರ್ದ್ ಪಿರ ಬನ್ನಗ ಎಡ್ತೆ ಆದಿತ್ತ್ಂಡ್.
ಮಿನಿ ಬಸ್ ಬೊಕ್ಕ ಕಾರ್ ಎಡ್ತೊಂಡಿನೆರ್ದಾವರ, ಕಾರ್ಡ್ ಇತ್ತಿನ ಪದ್ಮನಾಭೆರೆಗ್ ಗಾತಿದ ಗಡಿಕುಲಾದಿತ್ತ. ಆರೆನ್ ಅಪಗನೇ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದಿತ್ತ್ಂಡಲಾ, ಒಂಜಿ ವಾರಡ್ ಮರ್ದ್ ಪಲಿಪಂದೆ ತೀರ್ದೆರ್.
ಮೇರ್ ಬೊಡೆದಿ ಬೊಕ್ಕ ಇರ್ವೆರ್ ಆಣ್ ಜೋಕುಲೆನ್ ಅಗತ್ದೆರ್.