Last updated on May 23rd, 2025 at 10:46 am
ಕುಡ್ಲದ ಡಾ. ಗಿರಿಧರ್ ಸಾಲಿಯನ್ ಮೇರ್ ಮೇ 18 ದಾನಿ ತೈವಾನ್ದ ತೈಪೆ ಕ್ರೀಡಾಂಗಣೊಡು ನಡತಿನ ವಿಶ್ವ ಮಾಸ್ಟರ್ಸ್ ಕ್ರೀಡಾಕೂಟ 2025 ತ ಬರ್ಚಿ ದಕ್ಕುನ ಪಂತೊಡು ಬಂಗಾರ್ದ ಪದಕ ಗೆಂದ್ದೆರ್.
2025ತ ಮೇ 17 ತಾನಿ ತೈಪೆ ಡೋಮ್ಡ್ ಗೌಜಿದ ಸ್ವಾಗತ ಸಮಾರಂಭದೊಟ್ಟುಗು ವರ್ಲ್ಡ್ ಮಾಸ್ಟರ್ಸ್ ಗೇಮ್ಸ್ ಅಧಿಕೃತವಾದ್ ಸುರು ಆದಿತ್ತ್ದ್, ಮೇ 30 ಮುಟ್ಟ ನಡಪುಂಡು. 107 ದೇಶೊರ್ದು 25000 ರ್ದ್ಲಾ ಎಚ್ಚ ಸ್ಪರ್ಧಿಲು ಬೇತೆ ಬೇತೆ ವಿಭಾಗೊಲೆಡ್ ಪಾಲ್ ಪಡೆಪೆರ್. ಪ್ರತಿ ನಾಲ್ ವರ್ಸೊಗ್ರ ಈ ಕ್ರೀಡಾಕೂಟ ನಡಪುಂಡು, ಆಂಡ 2021ತವು ಕೊರೋನಾರ್ದಾವರ ಕ್ಯಾನ್ಸಲ್ ಆದಿತ್ತ್ಂಡ್. ಅಂಚಿದ್ ಇತ್ತೆದ ಆವೃತ್ತಿಯು ಎಣ್ಮ ವರ್ಸ ಕರಿದ್ ತೈವಾನ್ದ ತೈಪೆ ನಗರೊದ ನ್ಯೂತೈಪೆ ಕ್ರೀಡಾಂಗಣೊಡು ನಡತೊಂದುಂಡು.
ಡಾ. ಗಿರಿಧರ್ ಸಾಲಿಯಾನ್ ಪಾಕ ಸಾದಗೊ ಬೆನ್ತಿನಾರ್. ಬೋಧನೆ, ತರಬೇತಿ, ಆಡಳಿತ ಬೊಕ್ಕ ರಾಷ್ಟ್ರೀಯ ಅಕಚೆನೇ ಅಂತರಾಷ್ಟ್ರೀಯ ಕ್ರೀಡಾ ಕ್ಷೇತ್ರೊಲೆಡ್ ಎಡ್ಡೇನ ಸಾದಗೊಗು ಕೇಂದ್ರ ಸರ್ಕಾರೊದ ಸಾಂಸ್ಥಿಕ ವೈವಾಟ್ಲೆನ ಸಚಿವಾಲಯೊರ್ದು *ಭಾರತ ಗೌರವ ರತ್ನ ಸಮ್ಮಾನ್* ಮಾನಾದಿಗೆ ಗೆಂದ್ದಿನ ಮಾತ್ರ ಅತ್ತಂದೆ 2023ತ ಏಷ್ಯನ್ ಮಾಸ್ಟರ್ಸ್ ಅಥ್ಲೆಟಿಕ್ ಚಾಂಪಿಯನ್ಶಿಪ್ಡ್ ಬಂಗಾರ್ದ ಪದಕ, 2023ತ ವರ್ಲ್ಡ್ ಮಾಸ್ಟರ್ಸ್ ಅಥ್ಲೆಟಿಕ್ ಚಾಂಪಿಯನ್ಶಿಪ್ಡ್ ಬೊಳ್ಳಿದ ಪದಕ, ಅಂಚೆನೇ ಬೇತೆ ಬೇತೆ ಪದಕೊನು ಗೆಂದ್ದಿತ್ತ್ದ್ ರಾಷ್ಟ್ರ ಬೊಕ್ಕ ಅಂತರರಾಷ್ಟ್ರೀಯ ಮಟ್ಟೋಡು ಪುದರ್ ಮಲ್ದಿನಾರ್.
ಡಾ. ಗಿರಿಧರ್ ಸಾಲಿಯನ್ ಮೇರ್ ಒಲಿಂಪಿಕ್ಡ್ ಬಂಗಾರ್ದ ಪದಕ ಗೆಂದಿನ ನೀರಜ್ ಚೋಪ್ರಾ ಮೆರೆನ ಟ್ರೈನರ್ ಕಾಶಿನಾಥ್ರೆನ ಮಾರ್ಗದರ್ಶನೊಡು ಕಲೊಟು ಟ್ರೈನರ್ದಾಂತೆ ಟ್ರೈನಿಂಗ್ ಮಲ್ತೊಂದಿತ್ತೆರ್ .
ಮೇರ್ ಇತ್ತೆ ಕೆಜಿಟಿಟಿಐ
ಕುಡ್ಲ ಬೊಕ್ಕ ಕಾರ್ಲ ಸಂಸ್ಥೆಲೆನ ಡೈರೆಕ್ಟರ್ ಆದ್ ಉಲ್ಲೆರ್.