Last updated on May 26th, 2025 at 11:51 am
ಕುಡ್ಲ, ಮೇ 26: ಬೆದ್ರಗ್ ಮುಟ್ಟದ ಪಾಲಡ್ಕ ಎರುಗುಂಡಿ ಅರ್ಬಿಡ್ ಗೊಬ್ಬೆರೆ ಪೋದು ಅಲ್ಪನೇ ಬಾಕಿ ಆದ್ ಬಂಙೊಗು ಬೂರ್ದಿನಕಲೆನ್ ಮುಟ್ಟದಕುಲು ಕಾತ್ದೆರ್.
ಮರ್ಯಾಲಡ್ ಜೋರುಡೆ ಪರಪುನ ಎರಗುಂಡಿ ಅರ್ಬಿಡ್ ಪಾಕ ಜನ ಪ್ರವಾಸಿಗೆರ್ ಜೂವ ಕಲೆವೊಂದೆರ್. ಆಂಡಲಾ ಬುದ್ದಿ ಕಲ್ಪಂದಿಞ ಜನ ಕುಡ ಬರ್ಸ ಬರೊಂದಿತ್ತ್ಂಡಲಾ ಅರ್ಬಿಗ್ ಜಾಲಿ ಮಲ್ಪೆರೆ ಬತ್ತ್ದೆರ್. ನೀರ್ದ ಬರಸ್ ಗೆನ್ಪಂದೆ ಪ್ರವಾಸಿಗೆರ್ ಗೊಬ್ಯೆರ ನೀರ್ಗ್ ಜತ್ತ್ದೆರ್. ಈ ಪೊರ್ತುಡು ಬರ್ಸದೊಟ್ಟುಗು ನೀರ್ದ ಪರಪುಲಾ ಜೋರಾದ್, ನೀರ್ಡ್ ಬಾಕಿ ಆಯಿನ ಪ್ರವಾಸಿಗೆರೆನ್ ಮುಟ್ಟದಕುಲು ರಕ್ಷಣೆ ಮಲ್ತ್ದೆರ್.
ಪಾಕ ಜನೊತ ಜೂವ ಪೋತಿನ ಈ ಜಾಗೆಡ್ ಬರ್ಪಿನಕಲೆನ ರಕ್ಷಣೆಗ್ ಅಂಚೆನೇ ಬತ್ತಿನಕಲೆನ್ ಅಂಕೆಡ್ ಇಪ್ಪುಲೆಕ ಮಲ್ಪೆರೆ ಜಿಲ್ಲಾಡಳಿತ ಕ್ರಮ ಗೆತೊನೊಡು ಪನ್ದ್ ಊರುದಕುಲು ಕಾಯೆಸ್ ಮಲ್ದೆರ್.