Last updated on October 8th, 2022 at 04:30 pm
ತುಳುವೆರೆ ಪಕ್ಷದ ಮುತಾಲಿಕೆಡ್, ತುಳುನಾಡ್’ದ ಬೇತೆಬೇತೆ ಸಂಘಟನೆಲೆನ ಒಟ್ಟು ಸೇರಿಗೆಡ್ ತುಳು ಬಾಸೆಗ್ ಕರ್ನಾಟಕೊಡು ಆಪಿನ ಅನ್ಯಾಯೊನು ಪ್ರಶ್ನೆ ಮಲ್ಪರೆ ನವೆಂಬರ್ 1, ಕರ್ನಾಟಕ ರಾಜ್ಯೋತ್ಸವದಾನಿ ತುಳುನಾಡ್ದ ಇಲ್ಲ ಇಲ್ಲಲೆಡ್ ತುಳುವ ಕೊಡಿ ರಾಪಾದ್ ಪ್ರತಿಭಟನೆಗ್ ಜಪ್ಪರೆಗ್ ಉಲ್ಲ , ಪ್ರತ್ಯೇಕ ತುಳುನಾಡ್ ರಾಜ್ಯದ ಹಕ್ಕೊತ್ತಾಯ ಮಲ್ಪರೆಗ್ ಉಲ್ಲ ಪನ್ದ್ ತುಳುವೆರೆ ಪಕ್ಷದ ಗುರ್ಕಾರೆ ಆಯಿನ ಶೈಲೇಶ್ ಪಂಡೆರ್.
ಇಂಚಪ್ಪೊಗು ಕನ್ನಡ ಮಂತ್ರಿ ಸುನೀಲ್ ಕುಮಾರ್ ಒಂಜಿ ಆಂಗ್ಲ ಪತ್ರಿಕೆಡ್ ಕೊರ್ತಿನ ಸಂದರ್ಶೊನೊಡು ತುಳು ಬಾಸೆಗ್ ಕರ್ನಾಟಕೊಡು ಮಾನಾದಿಗೆ ಕೊರಿಯರೆ ಆಪುಜಿ ಪನ್ದ್ ಪನ್ದಿತ್ತೆರ್. ಉಂದು ಮಾತಾ ತುಳುವೆರೆಗ್ ಬೆಚ್ಚ ಪುಟ್ಟಾದ್ಂಡ್ ಮಾತ್ರ ಅತ್ತ ಇತ್ತೆ ತುಳುವೆರ್ ಪ್ರತ್ಯೇಕ ತುಳುನಾಡ್ ರಾಜ್ಯನೇ ಉಂದೆಕ್ ಪರಿಹಾರೊ ಪನ್ದ್ ಪನ್ಪಿಲೆಕ್ಕ ಉಂಡು.