Last updated on June 2nd, 2025 at 12:53 pm
ಪುತ್ತೂರು, ಜೂನ್ 02: ಬಿಜೆಪಿ ಮುಖಂಡೆ, ಪುತ್ತಿಲ ಪರಿವಾರೊದ ಅರುಣ್ ಕುಮಾರ್ ಪುತ್ತಿಲ ಮೆರೆನ ಗಡಿಪಾರ್ಗ್ ಅಟ್ಟನೆ ಆವೊಂದಿತ್ತ್ದ್, ಈ ವಿಚಾರೊಗು ಸಂಬಂಧಿತ್ದ್ ಜೂನ್ 6 ಕ್ ವಿಚಾರಣೆಗ್ ಬರ್ಯೆರ ಪುತ್ತಿಲೆರೆಗ್ ನೊಟೀಸ್ ಬೈದ್ಂಡ್.
ಕುಡ್ಲ ಜಿಲ್ಲೆಡ್ ನಡತೊಂದುಪ್ಪುನ ಬೊರ್ಚಂದಿನ ನಡಕೆಲೆ ನಡುಟು ಇತ್ತೆ ಪುತ್ತಿಲ ಪರಿವಾರೊದ ಮುಖ್ಯಸ್ಥೆ ಅರುಣ್ ಕುಮಾರ್ ಪುತ್ತಿಲೆರೆನ್ ಗಡಿಪಾರ್ ಮಲ್ಪೆರೆ ತೂವೊಂದುಲ್ಲೆರ್. ಪುತ್ತಿಲೆರೆನ್ ಪೊಲೀಸ್ ಕಾಯ್ದೆ ಕಲಂ 55ತ ಪ್ರಕಾರ ಕುಡ್ಲ ಜಿಲ್ಲೆರ್ದ್ ಕಲಬುರಗಿ ಜಿಲ್ಲೆದ ಶಹಬಾದ ಪೋಲೀಸ್ ಸ್ಟೇಷನ್ ಸೀಮೆಗ್ ಗಡಿಪಾರ್ ಮಲ್ಪುನ ಆದೇಶ ಕೊರ್ಪುನೆತ ಬಗೆಟ್ ಜೂನ್ 6 ಕ್ ವಿಚಾರಣೆ ಗೊತ್ತು ಮಲ್ದೆರ್.
ಈ ಬಗೆಟ್ ವಿಚಾರಣೆಗ್ ಬರ್ಪಿಲೆಕ ಅರುಣ್ ಕುಮಾರ್ ಪುತ್ತಿಲೆರೆಗ್ ಪುತ್ತೂರು ಸಹಾಯಕ ಆಯುಕ್ತೆರೆ ಆಫೀಸ್ರ್ದ್ ನೋಟೀಸ್ ಕೊರ್ತೆರ್. ವಿಚಾರಣೆಗ್ ಪೋಯಿಜಿಂಡ ಏಕಪಕ್ಷಿಯವಾದ್ ನಿರ್ಧಾರ ಗೆತೊನುವ ಪನ್ದ್ ನೊಟೀಸ್ಡ್ ತೆರಿಪಾದೆರ್.