Last updated on October 8th, 2022 at 04:03 pm
ವಿದ್ಯಾರ್ಥಿಲೆನ ರಡ್ಡ್ ಕೂಟೊಲ್ನ ನಡುಟ್ ಜೋರು ಜೋರು ಪಾತೆರ ನಡತ್‌ದ್ ಪೆಟ್ಟ್ ಲಡಾಯಿಗ್ ಎತ್ತೆರಾನಗ ವಿಷಯ ತೆರಿದ್ ಬತ್ತಿನ ಪೋಲೀಸ್‌ದಕ್ಲು ಪರಿಸ್ಥಿತಿ ನಿಯಂತ್ರಣ ಮಲ್ತಿನ ಘಟನೆ ಸೆಪ್ಟೆಂಬರ್ 26ಕ್ ಉಬಾರ್ ಬಸ್‌ಸ್ಟಾಂಡ್‌ಡ್ ನಡತ್ಂಡ್.
ಉಬಾರ್‌ದ ಸರ್ಕಾರಿ ಪಿ ಯು ಸಿ ದ ವಿದ್ಯಾರ್ಥಿಯೊರಿ ಕುಡೊರಿ ವಿದ್ಯಾರ್ಥಿಗ್ ಆಕಿನ ವಿಷಯೊಡು ಸೆಪ್ಟೆಂಬರ್ 23ಕ್ ಪೆಟ್ಟ್‌ಗ್ ಜತ್ತಿತ್ತೆರ್.ಆನಿಲಾ ನಡುಟು ಬತ್ತಿನ ಪೋಲೀಸ್‌ದಕ್ಲು ಮಾತೆರೆಗ್ಲಾ ವಾರ್ನಿಂಗ್ ಕೊರ್ದು, ಮುಚ್ಚಲಿಕೆ ಬರೆಪಾವೊಂದು ಬುಡ್ದಿತ್ತೆರ್.
ಉಬಾರ್‌ರ್ದ್ ಗಡಿಗಡಿ ವಿದ್ಯಾರ್ಥಿಲೆನ ಪೆಟ್ಟ್ ಲಡಾಯಿದ ವಿಷಯೊಲು ವರದಿ ಆವೊಂದಿಪ್ಪುನೆರ್ದಾವರ ಬೇತೆ ವಿದ್ಯಾರ್ಥಿಲೆ ಪೆದ್ದಿನಕುಲು ಮಂಡೆಬೆಚ್ಚಡುಲ್ಲೆರ್.