ಕುಡ್ಲ : ಪುಗರ್ತೆದ ಯಕ್ಷಗಾನ ಕಲಾವಿದೆ ಮುಂಡಾಜೆ ಸದಾಶಿವ ಶೆಟ್ರ್ ತೀರ್ಯೆರ್

Last updated on June 8th, 2025 at 03:04 pm

ಕುಡ್ಲ, ಜೂ. 08: ತೆಂಕುತಿಟ್ಟ್ ಯಕ್ಷಗಾನ ವೇಷಧಾರಿ, ಪುಗರ್ತೆದ ಕಲಾವಿದೆ ಮುಂಡಾಜೆ ಸದಾಶಿವ ಶೆಟ್ಟಿ (67) ಮೇಲ್ ಕೋಡೆ ರಾತ್ರೆ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ಯೆರ್.

ಕಟೀಲ್ ಮೇಳೊಡು ಕರಿನ 20 ವರ್ಸೊರ್ದು ವೇಷ ಪಾಡೊಂದು, 3ನೇ ಪ್ರಬಂಧಕೆರಾದ್ ಚಾಕಿರಿ ಮಲ್ತಿತ್ತೆರ್. ಕುಡುಮ, ದೈಬಿತ್ತಿಲ್ ಮೇಳೊಲೆಡ್ ತುಳು- ಕನ್ನಡ ಪ್ರಸಂಗೊಲೆಡ್ ಮಾತಾ ಸ್ವರೂಪೊದ ಪಾತ್ರೊಲೆಗ್ ಬಣ್ಣ ಪಾಡ್ದಿತ್ತೆರ್.

ಇನಿ ಮಧ್ಯಾಹ್ನ 1.15 ಕ್ ಕದ್ರಿ ರುದ್ರಭೂಮಿಡ್ ಅಂತ್ಯಸಂಸ್ಕಾರ ನಡತ್ಂಡ್. ತಿಗಲೆಗ್ ಸಂಬಂಧಿತಿನ ಅನಾರೋಗ್ಯರ್ದಾವರ ಒಂತೆ ದಿನೊಕು ದುಂಬು ಆರೆಗ್ ಆಂಜಿಯೋಪ್ಲಾಸ್ಟಿ ಮರ್ದ್ ಆದ್ ಇಲ್ಲಗ್ ಪಿರ ಬತ್ತಿತ್ತೆರ್‌ಗೆ. ಮೇರ್ ಬೊಡೆದಿ, ಇರ್ವೆರ್ ಆಣ್ ಜೋಕುಲು, ಒರ್ತಿ ಮಗಲೆನ್ ಅಗತ್‌ದೆರ್.