Last updated on June 16th, 2025 at 09:29 am
ನೆಲ್ಯಾಡಿ, ಜೂನ್ 16: ರಾಷ್ಟ್ರೀಯ ಪೆರ್ಸಾದಿ 75ತ ಲಾವತಡ್ಕ ಪನ್ಪಿನಲ್ಪ ಇನಿ, ಜೂನ್ 16 ತ ಕಾಂಡೆ ಕಾರ್ಲರ್ದ್ ಕುಡುಮ ಆದ್ ಬೆಂಗಳೂರ್‌ಗ್ ಪೋಪುನ ಬಸ್ ಪೆರ್ಸಾದಿದ ಬರಿಟ್ ಹಿಟಾಚಿನ್ ತುಂಬುದು ಉಂತುದಿತ್ತಿನ ಲಾರಿಗ್ ಪಿರವುರ್ದ್ ಎಡ್ತ್‌ದ್, ಒರಿ ತೀರ್ದ್, ಸುಮಾರ್ 18 ಜನೊಕು ಗಡಿಕುಲಾತ. ಈ ಬಸ್‌ಡ್ ಸುಮಾರ್ 30 ಜನ ಇತ್ತೆರ್ ಪನ್ದ್ ತೆರಿದ್ ಬೈದ್ಂಡ್.
ಎಡ್ತೆಡ್ ಗಡಿಕುಲಾತಿನೆಟ್ ಕಾರ್ಲದ ಪಡುಮನೆದ ಶಂಕರನಾರಾಯಣ ಭಟ್ರೆನ್ (41) ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟು ತೀರ್ದೆರ್. ಐನ್ ಜನೊಕು ಗಾತಿದ ಗಡಿಕುಲಾದಿತ್ತ್‌ದ್ ಐವೆರೆನ್ ಕುಡ್ಲದ ಎ.ಜೆ. ಆಸ್ಪತ್ರೆಗ್, ನಾಲ್ವೆರೆನ್ ಇಂಡಿಯನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಒಂತೆ ಜನೊನು ಆಂಬ್ಯುಲೆನ್ಸ್‌ಡ್ ಪುತ್ತೂರ್‌ದ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಜಾಗೆಗ್ ನೆಲ್ಯಾಡಿ ಔಟ್‌ಸ್ಟೇಶನ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಎಡ್ತೆದ ಬಗೆಟ್ ಎಚ್ಚಿನ ಒಲವು ನನ ತಿಕ್ಕೊಡಾತೆ.