Last updated on June 16th, 2025 at 05:22 pm
ಕೋಲಾರ, ಜೂನ್ 16: ಚಾಕೋಲೆಟ್ಡ್ ನರಮಾನ್ಯನ ಕೂಲಿ ತಿಕ್ಕ್ದಿತ್ತ್ದ್, ಪೋಡಿಗೆ ಉಂಡಾತ್ಂಡ್. ಕೋಲಾರದ ಬೂದಿಕೋಟೆ ಗ್ರಾಮೊದ ಭಾರತಿ ಪನ್ಪಿನಾರ್ ಚಿಲ್ಲರೆಗ್ ಅಂಗಡಿಡ್ ಟೂಟಿ ಫ್ರೂಟ್ ಕಂಪನಿದ ಚಾಕೋಲೆಟ್ ಗೆತೊಂದೆರ್. ಅವೆತ ತೊಟ್ಟೆ ದೆತ್ತ್ದ್ ಬಾಯಿಗ್ ಪಾಡ್ದ್ ಜುಂಬುನಗ ಗಟ್ಟಿದ ಸೊತ್ತು ತಿಕ್ಕ್ದಾ ಕಂತಿಲೆಕ ಆತ್ಂಡ್.
ಅಪಗನೇ ಅವೆನ್ ಬಾಯಿರ್ದ್ ದೆತ್ತ್ದ್ ತೂನಗ ನರಮಾನ್ಯನ ಕೂಲಿ ಪನ್ದ್ ಗೊತ್ತಾತ್ಂಡ್. ಕೂಲಿಡ್ ಕರ್ಬದ ಎಲ್ಯ ತುಂಡುಲಾ ಇಪ್ಪುನೆನ್ ತೂದು, ಭಾರತಿ ಮೆರೆಗ್ ಬೊಕಲಾ ಪೋಡಿಗೆ ಆತ್ಂಡ್. ಈ ಚಾಕೋಲೆಟ್ತ ಪಟ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.
ಅಂಗಡಿದಾಯಡ ಕೇನ್ನಗ, ಈ ಚಾಕೋಲೆಟ್ ಎಂಕುಲು ಗೆತೊಂದಿನ ಡಿಸ್ಟ್ರಿಬ್ಯೂಟರ್ರ್ದ್ ಬತ್ತ್ದ್ಂಡ್ ಪನ್ದ್ ಪನ್ತೆರ್. ಆಕಡ, ಚಾಕೊಲೇಟ್ ವಾ ಕಂಪೆನಿದ ಪನ್ಪಿನ ಬಗೆಟ್ ಪತ್ತ ಒಲವು ತಿಕ್ಕ್ದ್ಂಡ್. ಎಂಕ್ಲ ಡಿಸ್ಟ್ರಿಬ್ಯೂಟರ್ ಕೊರ್ತಿನ ಚಾಕೋಲೆಟ್ನ್ ಮಾರ್ದ. ಈ ನಡಕೆದ ಬಗೆಟ್ ತೆರಿದಿಜಿ ಪನ್ದ್ ಅಂಗಡಿದಾರ್ ಪನ್ತೆರ್.