ತುಳುನಾಡ ರಡ್ಡ್ ಜಿಲ್ಲೆಲೆಗ್ ಪೊಸ ಜಿಲ್ಲಾಧಿಕಾರಿಲು; ಕುಡ್ಲಗ್ ದರ್ಶನ್ ಎಚ್. ವಿ.; ಒಡಿಪುಗು ಸ್ವರೂಪ ಟಿ. ಕೆ.

Last updated on June 18th, 2025 at 06:55 am

ಕುಡ್ಲ: ಮಲ್ಲ ಬುಲೆಚ್ಚಿಲ್‌ ಒಂಜೆಟ್ ರಾಜ್ಯ ಸರ್ಕಾರ ಕೋಡೆ, ಜೂನ್ 17ತಾನಿ ಆಡಳಿತಾತ್ಮಕ ಪಗತೆಲೆನ್ ಮಲ್ತಿತ್ತ್‌ದ್, ಕೆಲ ಐಎಎಸ್ ಅಧಿಕಾರಿಲೆನ್ ಅಡಿಲಕ್ಕಾದೆರ್. ಉಂದೆಟ್ ಒಟ್ಟು ಐವೆರ್ ಜಿಲ್ಲಾಧಿಕಾರಿಲು ಉಲ್ಲೆರ್.

ಒಡಿಪು ಜಿಲ್ಲಾಧಿಕಾರಿ ಆದಿತ್ತಿನ ವಿದ್ಯಾಕುಮಾರಿ ಮೆರೆನ್ ಅಡಿಲಕ್ಕಾದ್, ಇದಮುಟ್ಟ ಇ-ಗವರ್ನೆನ್ಸ್ ನಿರ್ದೇಶಕೆರಾದಿತ್ತಿನ್ ಸ್ವರೂಪ ಟಿ. ಕೆ. ಮೆರೆನ್ ಒಡಿಪುದ ಡಿಸಿ ಆದ್ ನೇಮಕ ಮಲ್ದೆರ್.

ದ.ಕ. ಜಿಲ್ಲಾಧಿಕಾರಿ ಆದಿತ್ತಿನ ಜೋಕುಲೆನ ಮೋಕೆದ ಮುಲ್ಲೈ ಮುಗಿಲನ್ ರೆನ್ ಅಡಿಲಕ್ಕಾದ್, ವಾಣಿಜ್ಯ ತೆರಿಗೆ ಇಲಾಖೆದ ಎಚ್ಚಿಗೆದ ಆಯುಕ್ತೆರಾದಿತ್ತಿನ ದರ್ಶನ್ ಎಚ್. ವಿ. ಮೆರೆನ್ ಕುಡ್ಲ ಜಿಲ್ಲಾಧಿಕಾರಿ ಆದ್ ನೇಮಕ ಮಲ್ದೆರ್. ಮುಲ್ಲೈ ಮುಗಿಲನ್ ರೆನ್ ನೋಂದಣಿ ಬೊಕ್ಕ ಮುದ್ರಾಂಕೊದ ಐಜಿ ಮಲ್ದೆರ್.