Last updated on June 18th, 2025 at 11:39 am
ಕುಡ್ಲ, ಜೂನ್ 18: ಜಪ್ಪುದಮೊಗೇರ್ಡ್ ಕೋಡೆ ರಾತ್ರೆ ನಡತಿನ ಭೀಕರ ಆ್ಯಕ್ಸಿಡೆಂಟ್ಡ್ NSUI ದ.ಕ. ಜಿಲ್ಲಾ ಉಪಾಧ್ಯಕ್ಷೆ ಸೇರ್ದ್ ಇರ್ವೆರ್ ತೀರ್ದೆರ್.
NSUI ದ.ಕ. ಜಿಲ್ಲಾ ಉಪಾಧ್ಯಕ್ಷೆ , ದೇರೆಬೈಲ್ದ ಓಂಶ್ರೀ ಪೂಜಾರಿ (24) ಬೊಕ್ಕ ಅಮನ್ ರಾವ್(23) ತೀರ್ದಿನಕುಲು.
ಓಂ ಶ್ರೀ ಪೂಜಾರಿ ಬೊಕ್ಕ ನಾಲ್ವೆರ್ ದೋಸ್ತಿಲು ಅಂಗಾರೆ ತಡರಾತ್ರೆ 2ಗಂಟೆದ ಅಂದಾಜಿಗ್ ತಲಪಾಡಿರ್ದ್ ಕುಡ್ಲದಂಚಿ ಬರೊಂದಿತ್ತೆರ್. ಜಪ್ಪುದಮೊಗೇರ್ಗ್ ಎತ್ತ್ನಗ ಗಾಡಿ ಬುಡೊಂದಿತ್ತಿನ ಅಮನ್ ರಾವ್ ಅಂಕೆ ತತ್ತ್ದ್ ಡಿವೈಡರ್ ಮಿತ್ತರ್ದ್ ಕಬ್ಬೆ ಬೂರ್ದ್ಂಡ್. ಬೂರ್ದಿನ ಬರಸ್ಗ್ ಗಾತಿದ ಗಡಿಕುಲಾದಿತ್ತಿನ ಅಮನ್ ರಾವ್ ಬೊಕ್ಕ ಡ್ರೈವರ್ನ ಪಿರವುದ ಸೀಟ್ಡ್ ಕುಲ್ದಿತ್ತಿನ ಓಂ ಶ್ರೀ ಪೂಜಾರಿ ಅಲ್ಪನೇ ತೀರ್ದೆರ್.
ಕಾರ್ಡ್ ಕುಡ ಮೂವೆರ್ ಇತ್ತ್ದ್ ಎಡ್ತೆಡ್ ಒರಿಯನ ಬೆರಿಮುಲ್ಲು ಪೊಲಿದ್ಂಡ್, ಕುಡೊರಿಯನ ಕಾರ್ ಪೊಲಿದಿತ್ತ್ದ್ ಅಕಲೆನ್ ಆಸ್ಪತ್ರೆಗ್ ದಾಕಲ್ತ್ದೆರ್. ಕುಡೊರಿ ಇಟಲಿಯನ್ ಪ್ರಜೆ ಇತ್ತ್ದ್, ಆಯಗ್ ದಾಲ ಮಲ್ಲ ಪೆಟ್ಟಾತಿಜಿ.