Last updated on June 19th, 2025 at 01:45 pm
ಕುಡ್ಲ, ಜೂನ್ 19: ಕುಡ್ಲ ಜಿಲ್ಲೆಡ್ ಇತ್ತೆ ಟ್ರಾನ್ಸ್ಫರ್ಲೆನ ಕಾಲ, ಇಂಚಿಪ ಜಿಲ್ಲೆಡ್ ಐಎಎಸ್ ಬೊಕ್ಕ ಐಪಿಎಸ್ ಅಧಿಕಾರಿಲೆನ ಟ್ರಾನ್ಸ್ಫರ್ ಆದಿತ್ತ್ಂಡ್. ಇತ್ತೆ ಕುಡ್ಲ ಪೊಲೀಸ್ ಕಮಿಷನರೇಟ್ ಸೀಮೆದ ಪೊಲೀಸ್ ಸ್ಟೇಶನ್ಲೆಡ್ ಇಪ್ಪುನ ಸಿಬ್ಬಂದಿ ಲೆನ್ ಅಡಿಲಕ್ಕಾವೊಂದುಲ್ಲೆರ್.
ಕುಡ್ಲ ಪೊಲೀಸ್ ಕಮಿಷನರೇಟ್ ಸೀಮೆದ ಸುಮಾರ್ 56 ಪೊಲೀಸ್ ಸಿಬ್ಬಂದಿಲೆನ್ ಟ್ರಾನ್ಸ್ಫರ್ ಮಲ್ತ್ದ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ಆದೇಶ ಕೊರ್ತೆರ್. ಜಿಲ್ಲೆಡ್ ಬೊರ್ಚಂದಿನ ನಡಕೆಲೆನ ನಡುಟು ಎಸ್ಪಿ ಬೊಕ್ಕ ಪೊಲೀಸ್ ಆಯುಕ್ತೆರೆನ್ ರಾಜ್ಯ ಸರಕಾರ ಅಡಿಲಕ್ಕಾದಿತ್ತ್ಂಡ್. ಜಿಲ್ಲೆಗ್ ಇರ್ವೆರ್ ಜವನ ಐಪಿಎಸ್ ಅಧಿಕಾರಿಲೆನ್ ರಾಜ್ಯ ಸರಕಾರ ನೇಮಕ ಮಲ್ತಿತ್ತ್ಂಡ್, ಈ ನಡುಟು ಜಿಲ್ಲೆದ ಪೊಲೀಸ್ ಸ್ಟೇಶನ್ಲೆಡ್ ಪಾಕ ವರ್ಸೊರ್ದಿಂಚಿ ಗಟ್ಟಿ ಕುಲ್ದಿತ್ತಿನ ಪೊಲೀಸ್ ಸಿಬ್ಬಂದಿಲೆನ ಪ್ರಾನ್ಸ್ಫರ್ಗ್ ಸಾರ್ವಜನಿಕೆರೆನ ಆಗ್ರಹ ಕೇನ್ದ್ ಬತ್ತಿತ್ತ್ಂಡ್.
ಇತ್ತೆ ಪೊಲೀಸ್ ಕಮಿಷನರ್ ಸುಧೀರ್ ರೆಡ್ಡಿ 56 ಸಿಬ್ಬಂದಿಲೆನ್ ಟ್ರಾನ್ಸ್ಫರ್ ಮಲ್ತ್ದ್ ಆದೇಶ ಕೊರ್ತೆರ್. ಟ್ರಾನ್ಸ್ಫರ್ ಆತಿನೆಟ್ ಸಿಸಿಬಿ, ಸೆನ್ ಸೇರ್ದ್ ಕಮಿಷನರೇಟ್ ಸೀಮೆದ ಸ್ಟೇಶನ್ಲೆನ ಪಾಕ ಪೊಲೀಸೆರ್ ಉಲ್ಲೆರ್.
ಒಂತೆ ವಾರೊಗು ದುಂಬು ಮಲ್ಲ ಸುದ್ದಿ ಆದಿತ್ತಿನ ಹಿಂದೂ ಸಂಘಟನೆ ಕಾರ್ಯಕರ್ತೆ ಸುಹಾಸ್ ಶೆಟ್ಟಿನ್ ಕೆರ್ತಿನ ಪ್ರಕರಣೊಡು ಕೈ ಉಂಡು ಪನ್ದ್ ಬಿಜೆಪಿದ ಆರೋಪಡ್ ಸುದ್ದಿ ಆದಿತ್ತಿನ ಬಜ್ಪೆ ಪೊಲೀಸ್ ಸ್ಟೇಶನ್ದ ಹೆಡ್ ಕಾನ್ಸ್ಟೇಬಲ್ ರಶೀದ್ ಶೇಕ್ಗ್ಲಾ ಟ್ರಾನ್ಸ್ಫರ್ ಆತ್ಂಡ್.