Last updated on June 25th, 2025 at 03:43 pm
ಬೊಲ್ತೇರ್, ಜೂ. 25: ಜ್ವರಟ್ ನರೆಲೊಂದಿತ್ತಿನ ಜವನೆ ಒರಿ ಮರ್ದ್ ಪಲಿಪಂದೆ ತೀರ್ದಿನ ನಡಕೆ ಬೊಲ್ತೇರ್ಡ್ ನಡತ್ದ್ಂಡ್. ತೀರ್ದಿನಾರೆನ್ ಲಾೖಲ ಗ್ರಾಮೊದ ವಿವೇಕಾನಂದ ನಗರೊದ ಸೋಮಣ್ಣ ಕುಂಬಾರ ಮೆರೆನ ಮಗೆ ಸಂದೀಪ್ ಕುಲಾಲ್ (28) ಪನ್ದ್ ಗುರ್ತ ಪತ್ತ್ದೆರ್.
ಸಂದೀಪ್ಗ್ ಒಂತೆ ದಿನೊಕು ದುಂಬು ಜಾಂಡೀಸ್ ಆದಿತ್ತ್ಂಡ್. ಅವೆಕ್ ಮರ್ದ್ ಗೆತೊಂದು ಉಸಾರಾದಿತ್ತೆರ್. ಆಂಡ ರಡ್ಡ್ ದಿನೊರ್ದಿಂಚಿ ಕುಡ ಜ್ವರ ಜೋರಾದ್ ಜೂನ್ 24ತಾನಿ ತೀರ್ದೆರ್.
ಬೇಲೆಡ್ ಅಲ್ಯೂಮಿನಿಯಂ ಫ್ಯಾಬ್ರಿಕೇಶನ್ ಮಲ್ತೊಂದಿತ್ತಿನ ಮೇರ್ ಕಬಡ್ಡಿ ಪ್ಲೇಯರ್ ಆದಿತ್ತೆರ್. ಪಾಕ ಸಂಘ- ಸಂಸ್ಥೆಲೆಡ್ಲಾ ಇತ್ತೆರ್. ತೀರ್ದಿನಾರ್ ಅಪ್ಪೆ, ಅಮ್ಮೆ, ಬೊಡೆದಿ, ಐನ್ ತಿಂಗೊಲ್ದ ಬಾಲೆ ಬೊಕ್ಕ ಮೆಗ್ಯನ್ ಅಗತ್ದೆರ್.