Last updated on July 4th, 2025 at 03:24 pm
ಉಳ್ಳಾಲ, ಜು. 04: ಕೋಡೆ ರಾತ್ರೆ ನಡತಿನ ದುರಂತ ನಡಕೆಡ್, ಉಳ್ಳಾಲ ಕೈತಲ್ದ ಮಾಡೂರ್ ಸೈಟ್ಡುಪ್ಪುನ ತನ್ನ ಇಲ್ಲಡ್ ಪರ್ನ ಅಮಲ್ಡ್ 38 ವರ್ಸೊದ ಆಂಜೊವು ಒರಿ ಶೋಕೇಸ್ದ ಗ್ಲಾಸ್ ಪುಡತ್ದ್ ಕೈಕ್ ಪೆಟ್ಟಾದ್ ಪಾಕ ನೆತ್ತೆರ್ ಪೋದು ತೀರ್ದೆರ್.
ತೀರ್ದಿನಾರೆನ್ ಮಾಡೂರ್ ಸೈಟ್ ನಿವಾಸಿ ಸತೀಶ್ ನಾಯಕ್ ಮೆರೆನ ಮಗೆ ನಿತೇಶ್ ನಾಯಕ್ (38) ಪನ್ದ್ ಗುರ್ತ ಪತ್ತ್ದೆರ್. ಮೂಲೊಲೆನ ಪ್ರಕಾರ, ನಿತೇಶ್ ತನ್ನ ಅಮ್ಮೆ ಬೊಕ್ಕ ಪಲಯನ ಒಟ್ಟುಗು ಅಪಗಪಗ ಲಡಯಿ ಮಲ್ತೊಂದುಪ್ಪೆದೆರ್ಗೆ.
ಕೋಡೆ ರಾತ್ರೆ, ಪಿಸ್ರ್ಡ್, ನಿತೇಶ್ ಇಲ್ಲದುಲಯಿದ ಶೋಕೇಸ್ದ ಗ್ಲಾಸ್ಗ್ ಆಕ್ದೆರ್ ಪನ್ದ್ ವರದಿ ಆತ್ಂಡ್. ಪುಡಯಿನ ಗ್ಲಾಸ್ದ ತುಂಡು ಆರೆನ ಕೈತ ಪ್ರಮುಖ ನರಂಬುಗು ಕಂತ್ದ್ಂಡ್. ಉಂದೆರ್ದಾವರ ಪಾಕ ನೆತ್ತೆರ್ ಪೋದು ಆರ್ ತೀರ್ದೆರ್.
ನಿತೇಶ್ ಬೊಕ್ಕ ಆರೆನ ಸಹೋದರೆ ಒಟ್ಟುಗು ಫುಡ್ಸ್ಟಾಲ್ದ ವೈವಾಟ್ ಮಲ್ತೊಂದಿತ್ತೆರ್. ಬೇಲೆ ಮುಗಿತ್ದ್ ಇಲ್ಲಗ್ ಪಿರ ಬತ್ತ್ದ್ ಲಡಯಿ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ನಿತೇಶ್ಗ್ ಮದಿಮೆ ಆದಿತ್ತ್ಂಡಲಾ, ಆರ್ ತನ್ನ ಬೊಡೆದಿರ್ದ್ ದೂರ ಇತ್ತೆರ್.
ತೀರ್ದಿನಾರೆನ ಅಪ್ಪೆ ಕೊರ್ತಿನ ಒಯಿಲ್ದ ಆಧಾರೊಡು ಉಳ್ಳಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ನನದ ಜಡ್ತೆ ಮಲ್ತೊಂದುಲ್ಲೆರ್.