ಬೆರ್ಮಾವರ: ಬಾರೆಕುದುರು ಶ್ರೀ ನೃಸಿಂಹಾಶ್ರಮ ಸ್ವಾಮಿಲು ದೇಬೆರೆ ಅಂಗಾರ್ ಸೇರ್ಯೆರ್

Last updated on July 4th, 2025 at 07:52 pm

ಬೆರ್ಮಾವರ, ಜು. 04: ಬಾರೆಕುದುರು ಶ್ರೀ ನೃಸಿಂಹಾಶ್ರಮ ಸ್ವಾಮಿಲು (55) ಶುಕ್ರವಾರ ದೇಬೆರೆ ಅಂಗಾರ್ ಸೇರ್ಯೆರ್.

ಇನಿ ಕಾಂಡೆ ಡಯಾಲಿಸಿಸ್‌ಗ್ ಲೆತೊಂದು ಪೋನಗ ಬೆರ್ಮಾವರದ ಕೈತಲ್ ಆರೋಗ್ಯಡ್ ಎಚ್ಚಿಕಮ್ಮಿ ಆತ್ಂಡ್. ಆರೆನ್ ಅಪಗನೇ ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ತಾದಿನಡುಟೇ ತೀರ್ದೆರ್.

ಇತ್ತೆ ಸ್ವಾಮಿಲೆನ ಶರೀರೊನು ಬಾರೆಕುದುರು ಮಠೊಕು ಲೆತಬತ್ತಿತ್ತ್‌ದ್, ಭಕ್ತೆರೆಗಾ ಅಕೇರಿದ ದರ್ಶನೊಗು ಅವಕಾಶ ಕೊರ್ತೆರ್. ಬಯ್ಯಡ್ ನಾಲ್ ಗಂಟೆ ಕರಿದ್ ಕಿಞ್ಞ ಸ್ವಾಮಿಲಾಯಿನ ಶ್ರೀ ವಾಸುದೇವ ಸದಾಶಿವಾಶ್ರಮ ಸ್ವಾಮಿಲ್ನ ಮುಕೇನ ವಿಧಿವಿಧಾನೊಲು ನಡಪುವ ಪನ್ದ್ ಮಠೊತ ಮೂಲೊಲು ತೆರಿಪಾದ.

ಶ್ರೀಮಠೊದ ದುಂಬುದ ಸ್ವಾಮಿಲು ಶಂಕರಾಶ್ರಮ ಸ್ವಾಮಿಲು ಬ್ರಹ್ಮೈಕ್ಯೆರಾಯಿ ಬೊಕ್ಕ ಶ್ರೀ ನೃಸಿಂಹಾಶ್ರಮ ಶ್ರೀಕುಲು, 2006ಟ್ ಬಾರೆಕುದುರು ಮಠೊತ ಪೀಠಾಧಿಪತಿಕುಲಾಯೆರ್. ಕೆಲ ವರ್ಸೊರ್ದಿಂಚಿ ಸ್ವಾಮಿಲೆಗ್ ಬೇತೆ ಬೇತೆ ಆರೋಗ್ಯ ಸಮಸ್ಯೆಲು ಇತ್ತ. ವಾರೊಗು ರಡ್ಡ್ ಸರ್ತಿ ಡಯಾಲಿಸಿಸ್ ನಡತೊಂದಿತ್ತ್ಂಡ್.