Last updated on July 15th, 2025 at 11:43 am
ಬೊಲ್ತೇರ್, ಜು 15: ಹಾರ್ಟ್ ಅಟ್ಯಾಕ್ ಆದ್ ತಾಲೂಕು ಕಚೇರಿದ ಸಿಬ್ಬಂದಿ ಒರಿ ತೀರ್ದಿನ ನಡಕೆ ಬೊಲ್ತೇರ್ಡ್ ಇನಿ ಕಾಂಡೆ ನಡತ್ದ್ಂಡ್.
ಬೊಲ್ತೇರ್ ತಾಲೂಕು ಆಡಳಿತ ಸೌಧೊದ ಪ್ರಥಮ ದರ್ಜೆ ಸಹಾಯಕೆ ಆದಿತ್ತಿನ ಸತೀಶ್(46) ತೀರ್ದಿನಾರ್. ಆರ್ ಅಂಗಾರೆ ಕಾಂಡೆ ಲಾೖಲಡ್ ಇಪ್ಪುನ ಇಲ್ಲಡ್, ಮೀದ್ ಬೆಂದ್ರ್ಕೊಟ್ಯರ್ದ್ ಪಿದಯಿ ಬನ್ನಗ ಒರರ್ದ್ ಒರಾನೆ ಕುಸ್ಕುದ್ ಬೂರ್ದೆರ್ಗೆ. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಸ್ಪತ್ರೆಡ್ ಪರೀಕ್ಷೆ ಮಲ್ತಿನ ಡಾಕ್ಟರ್ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್ ಪನ್ದ್ ತೆರಿಪಾದೆರ್. ಸತೀಶ್ ಮೂಲತಃ ಹಾಸನ ಜಿಲ್ಲೆದಾರ್, ಲಾೖಲಡ್ ಬಾಡಾಯಿದಿಲ್ಲಡ್ ಕುಲ್ಲುದಿತ್ತೆರ್. ಮೇರ್ ಬೊಡೆದಿ, ಒರಿ ಮಗನ್ ಅಗತ್ದೆರ್.