Last updated on July 15th, 2025 at 01:02 pm
ಕುಡ್ಲ, ಜು. 15: ತೊಕ್ಕೊಟ್ಟುಡು ಕೋಡೆ, ಸೋಮವಾರ ಬಯ್ಯಡ್ ದೊರಿನ ಭಾರೀ ಬರ್ಸರ್ದಾವರ ತೊಕ್ಕೊಟ್ಟು ಜಂಕ್ಷನ್ಡ್ ಕೃತಕ ಬೊಲ್ಲ ಉಂಡಾದ್ ಗಾಡಿಲೆಗ್ ಬೊಕ್ಕ ನಡತ್ ಪೋಪುನಕ್ಲೆಗ್ ಬಾರೀ ಬಂಙ ಆತ್ಂಡ್.
ಈ ಜಾಗೆಡ್ ರಾಷ್ಟ್ರೀಯ ಪೆರ್ಸಾದಿದ ಅವೈಜ್ಞಾನಿಕ ಬೇಲೆರ್ದಾವರ, ಬರ್ಸದ ನೀರ್ ಕಣಿಕ್ಲೆಗ್ ಸಮಗಟ್ಟ್ ಪೋವಂದೆ, ಸಾದಿದ ಮೇಲ್ಡೆನೆ ಪೋಪುಂಡು. ಜಂಕ್ಷನ್ದಲ್ಪ ಇಪ್ಪುನ ಕಣಿಕ್ಲೆನ ಮಣ್ಣ್ ದೆಪ್ಪಂದಿನವು ಈ ಪರಿಸ್ಥಿತಿನ್ ನನಲಾತ್ ತೆಟ್ಟಾದ್ಂಡ್.
ತೊಕ್ಕೊಟ್ಟು ಜಂಕ್ಷನ್ರ್ದ್ ಚೆಂಬುಗುಡ್ಡೆ ಮುಟ್ಟ ಸುಮಾರ್ 14 ಕೋಟಿ ರೂ. ಕರ್ಚಿಡ್ ಫೋರ್ಲೇನ್ ಸಾದಿ ಆಂಡಲಾ, ಜಂಕ್ಷನ್ಡ್ ಸಮಗಟ್ಟ್ ಬೇಲೆ ಆವಂದಿನವು ಈ ಮಾತಾ ತೊಂದರೆಲೆಗ್ ನೆವನ ಆತ್ಂಡ್.