Last updated on July 15th, 2025 at 02:44 pm
ಕಾಸ್ರೋಡ್, ಜು. 15: ನಿಟ್ಟೆ ಇಂಜಿನಿಯರಿಂಗ್ ಕಾಲೇಜ್ದ ಲೇಡೀಸ್ ಹಾಸ್ಟೆಲ್ದ ಮದೆಲ್ಡ್ ಹಿಂದೂ ಮುಸ್ಲಿಮೆರೆ ನಡುಟು ಪಗೆ ಬಿತ್ತುನಂಚೀನ ಬರವುಲೆನ್ ಬರೆದಿತ್ತಿನ ಪ್ರಕರಣೊಡು ಕಾರ್ಲ ಗ್ರಾಮಾಂತರ ಸ್ಟೇಷನ್ ಪೋಲೀಸೆರ್ ಕಾಸ್ರೋಡ್ ಮೂಲೊದ ಪೊಣ್ಣನ್ ಅರೆಸ್ಟ್ ಮಲ್ತ್ದೆರ್.
2025, ಮೇ 7 ತಾನಿ ಬಯ್ಯ 7 ಗಂಟೆಗ್ ಹಾಸ್ಟೆಲ್ದ ಒಂಜನೇ ಮಾಲಿಗೆದ ಶೌಚಾಲಯೊದ ಮದೆಲ್ಡ್ ಅಶ್ಲೀಲವಾದ್, ಪ್ರಚೋದನಕಾರಿ ಬರವುಲೆನ್ ಬರೆತಿನ ತೋಜಿದ್ ಬೈದ್ಂಡ್. ಈ ಬಗೆಟ್ ನಿಟ್ಟೆ ಕಾಲೇಜ್ದ ಲೇಡೀಸ್ ಹಾಸ್ಟೆಲ್ದ ಮ್ಯಾನೇಜರ್ ಪೋಲೀಸ್ ಸ್ಟೇಷನ್ಡ್ ಒಯಿಲ್ ಬರೆಪಾದಿತ್ತ್ದ್, ಎಫ್ಐಆರ್ ದಾಕಲಾದಿತ್ತ್ಂಡ್. ಭಾರತ ಪಾಕಿಸ್ತಾನ ಕೊಲಲದ ಪೊರ್ತುಡು ಬರೆತಿನ ಈ ಪ್ರಚೋದನಕಾರಿ ಬರವುದ ಬಗೆಟ್ ಪೋಲೀಸೆರ್ ಸಿಸಿಟಿವಿ ಆಧಾರೊಡು ಜಡ್ತೆ ಮಲ್ತಿತ್ತೆರ್, ಆಂಡ ಬೋಡಾಪಿನ ಪುರಾಪು ತಿಕ್ಕ್ದಿಜ್ಜಂಡ್.
ಅವೆರ್ದ್ ಬೊಕ್ಕ ಕೈಬರವು ಒಂಬುಂಡಾ ಪನ್ದ್ ತೂದು ಮಲ್ದಿನ ಜಡ್ತೆಡ್ ಪೋಲೀಸೆರ್ ಒರ್ತಿ ಪೊಣ್ಣನ್ ಅರೆಸ್ಟ್ ಮಲ್ತ್ದೆರ್. ನಿಟ್ಟೆ ಕಾಲೇಜ್ಡೇ ಕಲ್ತೊಂದುಪ್ಪುನ ವಿದ್ಯಾರ್ಥಿನಿ, ಕಾಸ್ರೋಡ್ದ ಫಾತಿಮಾ ಶಬ್ನಾ (21) ಪನ್ಪಿನಾಲೆನ್ ಕೈದ್ ಮಲ್ತಿತ್ತ್ದ್, ಕಾರ್ಲ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.