Last updated on July 16th, 2025 at 11:25 am
ಒಡಿಪು, ಜು. 16: 11 ವರ್ಸ ಪ್ರಾಯೊದ ಆಣ್ ಇಲ್ಲಡೇ ಕುಸ್ಕ್ದ್ ಬೂರ್ದು ಹಾರ್ಟ್ ಅಟ್ಯಾಕ್ಡ್ ತೀರ್ದಿನ ನಡಕೆ ಒಡಿಪುಡು ನಡತ್ದ್ಂಡ್.
ಒಡಿಪುದ ಒಂಜಿ ಪ್ರೈವೇಟ್ ಶಾಲೆದ 6 ನೇ ಕ್ಲಾಸ್ ಓದೊಂದಿತ್ತಿನ ರ್ಯಾನ್ಸ್ ಕ್ಯಾಥಲ್ ಡಿ’ಸೋಜಾ ತೀರ್ದಿನ ಆಣ್. ಜುಲೈ 15 ತ ಅಂಗಾರೆ ಕಾಂಡೆ ಇಲ್ಲಡ್ ಒರರ್ದ್ ಒರಾನೆ ಕುಸ್ಕ್ದ್ ಬೂರ್ದೆ. ತೊಟ್ಟಂದ ಅಶ್ವಿನ್ ಬೊಕ್ಕ ಸರಿತಾ ಡಿ’ಸೋಜಾ ದಂಪತಿಲೆನ ಮಗೆ ರ್ಯಾನ್ಸ್ ಕ್ಯಾಥಲ್ ಒಡಿಪುದ ಪ್ರೈವೇಟ್ ಶಾಲೆಡ್ ಕಲ್ತೊಂದಿತ್ತೆ. ಮಲ್ಪೆ ಪೊಲೀಸ್ ಸ್ಟೇಶನ್ಡ್ ಒಯಿಲ್ ದಾಕಲಾತ್ಂಡ್.
ಇಂಚಿಪ ಒರರ್ದ್ ಒರಾನೆ ಕುಸ್ಕ್ದ್ ಬೂರ್ದು ಹಾರ್ಟ್ ಅಟ್ಯಾಕ್ಡ್ ತೀರೊಂದುಪ್ಪುನಕ್ಲೆನ ಸಂಖ್ಯೆ ದಿನೊರ್ದು ದಿನೊಕು ಎಚ್ಚ ಆವೊಂದುಂಡು. ಸರಕಾರ ತಜ್ಞೆರೆ ವರದಿ ತರ್ಪುಡಾದ್ ಮನಿಪಂದೆ ಕುಲ್ದಿ ಲೆಕ ಉಂಡು. ಲತ್ತ್ ಪ್ರಾಯೊದ ಜೋಕುಲು ಹಾರ್ಟ್ ಅಟ್ಯಾಕ್ ಆದ್ ತೀರೊಂದುಪ್ಪುನವು ಬಾರೀ ಆತಂಕೊಗು ನೆವನ ಆತ್ಂಡ್.