Last updated on July 20th, 2025 at 02:01 pm
ಕುಡುಮ, ಜು. 20: ಧರ್ಮಸ್ಥಳ ಸ್ಟೇಶನ್ಡ್ ದಾಕಲಾತಿನ ಅಪರಾಧ ಕ್ರಮಾಂಕ 39/2025ಕ್ಕ್ ಸಂಬಂಧಿತ್ದ್ ಪ್ರಕರಣೊನು ವಿಶೇಷ ಜಡ್ತೆ ಕೂಟೊಗು (ಎಸ್.ಐ.ಟಿ.) ಟ್ರಾನ್ಸ್ಫರ್ ಮಲ್ತ್ದ್ ಕರ್ನಾಟಕ ರಾಜ್ಯ ಸರಕಾರ ಶನಿವಾರ ಆದೇಶ ಕೊರ್ತುಂಡು.
ಕರ್ನಾಟಕ ರಾಜ್ಯ ಮಹಿಳಾ ಆಯೋಗೊದ ಅಧ್ಯಕ್ಷೆರ್ ಮಾಧ್ಯಮೊಲೆನ ವರದಿ ಬೊಕ್ಕ ಸಾಕ್ಷಿ ದೂರುದಾರೆ ಸಂದಾದಿನ ಒಯಿಲ್ದ ಆಧಾರೊಡು ಸರಕಾರೊಗು ಕಾಯೆಸ್ ಮಲ್ತಿನೆರ್ದಾವರ ಸರಕಾರ ಇತ್ತೆ ಪ್ರಕರಣೊದ ಜಡ್ತೆಗ್ ಎಸ್ ಐ ಟಿ ಉಂಡು ಮಲ್ತ್ದ್ ಆದೇಶ ಕೊರ್ತುಂಡು.
ಆಂತರಿಕ ಭದ್ರತಾ ವಿಭಾಗೊದ ಪೊಲೀಸ್ ಮಹಾನಿರ್ದೇಶಕೆ ಡಾ ಪ್ರಣವ್ ಮೊಹಾಂತಿ ಮೆರೆನ ಮುತಾಲಿಕೆಡ್ ನಾಲ್ ಜನ ಐಪಿಎಸ್ ಅಧಿಕಾರಿಲೆನ ಕೂಟೊನು ಸರಕಾರ ಉಂಡು ಮಲ್ತಿತ್ತ್ದ್, ಬೇಗೊಡೇ ಎಸ್ಐಟಿ ಪ್ರಕರಣೊನು ತನ್ನ ಸುಪರ್ದಿಗ್ ಗೆತೊನುಂಡು ಪನ್ದ್ ತೆರಿದ್ ಬೈದ್ಂಡ್.