Last updated on July 24th, 2025 at 05:11 pm
ಮಾಸ್ಕೋ, ಜು. 24: 2025 ವಿಮಾನೊಲೆಗ್ ಎಡ್ಡೆ ವರ್ಸ ಅತ್ತಾ ದಾನ್ನ! ವಿಮಾನೊಲು ಬೂರುನ/ಕದೆಲುನ ಪ್ರಕರಣೊಲು ದಿನೊರ್ದು ದಿನೊಕು ಸುದ್ದಿ ಆವೊಂದೇ ಈತ್ತ್ದ್, ಇತ್ತೆ ಮೂಡಾಯಿ ರಷ್ಯಾದ ಅಮೂರ್ ಪ್ರದೇಶೊಡು ವಿಮಾನ ಒಂಜಿ ಬೂರ್ದು, ವಿಮಾನೊಡಿತ್ತಿನ 50 ಜನ ಪ್ರಯಾಣಿಕೆರೆಡ್ 43 ಜನ ತೀರ್ದೆರ್ ಪನ್ದ್ ಮೂಲೊಲು ತೆರಿಪಾದ.
ಅಂಗಾರಾ ANTONOV AN-24 ಪನ್ಪಿ ಸೈಬೀರಿಯಾ ಮೂಲೊದ ವಿಮಾನಯಾನ ಸಂಸ್ಥೆಗ್ ಸೇರ್ದಿನ ಈ ವಿಮಾನ, ಚೀನಾದ ಗಡಿಟ್ ಅಮೂರ್ ಪ್ರದೇಶೊದ ಟಿಂಡಾ ಪೇಂಟೆದ ಕೈತಲ್ ಬೂರ್ದ್ಂಡ್.
ಸುಮಾರ್ 50 ವರ್ಸ ಪರ ವಿಮಾನ ಒರರ್ದ್ ಒರಾನೆ ರಡಾರ್ ರ್ದ್ ತೋಜಂದೆ ಆದಿತ್ತ್ಂಡ್. ಹೆಲಿಕಾಪ್ಟರ್ಡ್ ನಾಡೊಂದು ಪೋನಗ ಕಾಡ್ಡ್ ಬೂರ್ದು ಪೊತ್ತೊಂದುಪ್ಪುನ ತೋಜಿದ್ಂಡ್.