Last updated on July 29th, 2025 at 08:12 am
ಪುತ್ತೂರು, ಜು. 29: ಆಂಜೊವು ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಪುತ್ತೂರ್ಡ್ ನಡತ್ದ್ಂಡ್.
ತೀರ್ದಿನಾರೆನ್ ನೆಹರೂ ನಗರದ ಕಲ್ಲೇಗ ಶ್ರೀ ಸಾಯಿ ವೆಲ್ಡಿಂಗ್ ವರ್ಕ್ಸ್ದ ದನಿ ವಿಶ್ವಾಸ್ (37) ಪನ್ದ್ ಗುರ್ತ ಪತ್ತ್ದೆರ್. ಆರ್ ಜುಲೈ 28ದಾನಿ ತನ್ನ ವೆಲ್ಡಿಂಗ್ ಶಾಪ್ಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್ ಪನ್ದ್ ವರದಿ ಆತ್ಂಡ್. ವಿಶ್ವಾಸ್ರೆನ ಬೊಡೆದಿ ಅಂಗನವಾಡಿ ಕಾರ್ಯಕರ್ತೆದಿ ಆದಿತ್ತ್ದ್, ಅಂಗನವಾಡಿರ್ದ್ ತನ್ನ ಬೇಲೆ ಮುಗಿತ್ದ್ ಬಯ್ಯಡ್ ಇಲ್ಲಗ್ ಬತ್ತಿಬೊಕ್ಕ ನಡಕೆ ಬೊಲ್ಪುಗು ಬೈದ್ಂಡ್. ಕಲ್ಲೇಗ ಗಣೇಶ್ ಬಾಗ್ ನಿವಾಸಿ ಆದಿತ್ತಿನ ಮೇರ್ ಇಲ್ಲದ ಕೈತಲೇ ವೆಲ್ಡಿಂಗ್ ಶಾಪ್ ದೀದಿತ್ತೆರ್. ಪುತ್ತೂರು ನಗರ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.