ಕೇಂದ್ರ ಸರ್ಕಾರೊರ್ದು ಮಂಗಳೂರು ಜಿಲ್ಲೆಗ್ ಕ್ಯಾನ್ಸರ್ ಡೇ ಕೇರ್ ಸೆಂಟರ್ ಮಂಜೂರು’: ಸಂಸದೆ ಕ್ಯಾ. ಚೌಟೆರ್

Last updated on July 29th, 2025 at 02:03 pm

ದೆಲ್ಲಿ, ಜು. 28: “ಕ್ಯಾನ್ಸರ್‌ ರೋಗಿಲೆಗ್ ಅನುಕೂಲ ಆವಡ್ ಅಂಚೆನೇ ಆರೈಕೆದ ಮೂಲಸೌಕರ್ಯಲೆನ್ ಗಟ್ಟಿ ಮಲ್ಪುನ ಉದ್ದೇಶ್ಡು ಪ್ರಧಾನಮಂತ್ರಿ ನರೇಂದ್ರ ಮೋದಿಯೆರೆ ಮುತಾಲಿಕೆದ ಕೇಂದ್ರ ಸರ್ಕಾರ ಕುಡ್ಲದ ವೆನ್ಲಾಕ್ ಜಿಲ್ಲಾ ಆಸ್ಪತ್ರೆಗ್ ಕ್ಯಾನ್ಸರ್ ಡೇ ಕೇರ್ ಸೆಂಟರ್ (DCCC) ತಾಪನೆಗ್ ಅನುಮೋದನೆ ಕೊರ್ದಿತ್ತ್‌ದ್, ಉಂದೆಕ್ 1.49 ಕೋಟಿ ರೂ. ಮುಟ್ಟ ಅನುದಾನ ಗೆತ್ತ್‌ದೀತ್ಂಡ್” ಪನ್ದ್ ಸಂಸದೆ ಕ್ಯಾ. ಬ್ರಿಜೇಶ್ ಚೌಟೆರ್ ಪನ್ಡೆರ್.

ಕ್ಯಾನ್ಸರ್ ರೋಗಿಲೆನ ಆರೈಕೆಡ್ ನಗರ-ಗ್ರಾಮೀಣ ಅಸಮಾನತೆ ಕಮ್ಮಿ ಮಲ್ತ್‌ದ್, ಪರಿಣಾಮಕಾರಿ ಮರ್ದ್ ಮಲ್ಪುನ ದಿಟ್ಟಿಡ್ ಕೇಂದ್ರ ಸರ್ಕಾರ 2025-26ತ ಕೇಂದ್ರ ಬಜೆಟ್‌ಡ್ ನನದ ಮೂಜಿ ವರ್ಸೊಲೆಡ್ ದೇಶೊದ ಮಾತಾ ಜಿಲ್ಲಾ ಆಸ್ಪತ್ರೆಲೆಡ್ ಕ್ಯಾನ್ಸರ್ ಡೇ ಕೇರ್ ಮಲ್ಪುನ ಬಗೆಟ್ ಘೋಷಣೆ ಮಲ್ತಿತ್ತ್ಂಡ್. ಉಂದೆತ ಭಾಗ ಆದ್ ಸುರುತ ಹಂತೊಡು ದೇಸೊಡು 200 ಕೇಂದ್ರೊಲೆನ ತಾಪನೆಗ್ ಕೇಂದ್ರ ಪಿದಡ್ದಿತ್ತ್‌ದ್, ರಾಷ್ಟ್ರೀಯ ಕ್ಯಾನ್ಸರ್ ರೆಜಿಸ್ಟ್ರೇಶನ್ ಡೇಟಾ ಬೊಕ್ಕ ರಾಜ್ಯ ಸರ್ಕಾರ ಕೊರ್ತಿನ ಪ್ರಸ್ತಾವನೆಲೆನ ಆಧಾರೊಡು ಮಂಗಳೂರು ಜಿಲ್ಲೆ ಸೇರ್ದೊ ಕರ್ನಾಟಕೊದ 16 ಜಿಲ್ಲೆಲೆನ್ ಅಜತ್‌ದೆರ್. ರಾಷ್ಟ್ರೀಯ ಆರೋಗ್ಯ ಅಭಿಯಾನೊದ (NHM) ಅಡಿಟ್ ಡೇ ಕೇರ್ ಕ್ಯಾನ್ಸರ್ ಕೇಂದ್ರ ಉಂಡು ಮಲ್ಪೆರೆ ಜಿಲ್ಲೆಗ್ ₹1.49 ಕೋಟಿ ಮುಟ್ಟ ಅನುದಾನೊನು ಪಟ್ಟ್‌ದೆರ್” ಪನ್ದ್ ಸಂಸದೆರ್ ಒಲವು ಕೊರ್ತೆರ್.