Last updated on July 30th, 2025 at 02:40 pm
ಆಂಧ್ರಪ್ರದೇಶ, ಜು. 30: ಪ್ರೈವೇಟ್ ಶಾಲೆದ ಹೆಡ್ ಮಾಸ್ಟರ್ ಒರಿ 9ನೇ ಕ್ಲಾಸ್ದ ಪೊಣ್ಣನ್ ಅತ್ಯಾಚಾರ ಮಲ್ತ್ದ್ ಬಂಜಿ ಬರ್ಪಾದಿನ ನಡಕೆ ಆಂಧ್ರಪ್ರದೇಶೊದ ಡಾ. ಬಿ.ಆರ್ ಅಂಬೇಡ್ಕರ್ ಕೋನಸೀಮಾಡ್ ನಡತ್ದ್ಂಡ್.
ಸುಮಾರ್ ನಾಲ್ ತಿಂಗೊಳು ಪಿರವು ಪೊಣ್ಣನ ಮಿತ್ತ್ ಅತ್ಯಾಚಾರ ಆದಿತ್ತ್ಂಡ್. ಅತ್ಯಾಚಾರೊದ ಬಗೆಟ್ ಪಿದಯಿ ಏರೆಗ್ಲಾ ಪನಂದಿಲೆಕ ಹೆಡ್ ಮಾಸ್ಟರ್ ಜಯರಾಜು ಪೋಡಿಕಟ್ಟಾದೆ ಪನ್ದ್ ಪೊಣ್ಣು ತೆರಿಪಾದಲ್.
ಮೂಜಿ ತಿಂಗೊಲುರ್ದಿಂಚಿ ಪೊಣ್ಣು ‘ಪಿದಯಿ’ ಆತಿಜೊಲು. ಉಂದೆನ್ ಗೋಸ್ಟಿಮಲ್ತಿನ ಅಪ್ಪೆಅಮ್ಮೆ ಆಲೆನ್ ಆಸ್ಪತ್ರೆಗ್ ಲೆತೊಂದು ಪೋದು ಪರೀಕ್ಷೆ ಮಲ್ಪುನಗ ಈ ನಡಕೆ ಬೊಲ್ಪುಗು ಬೈದ್ಂಡ್. ವೈದ್ಯಕೀಯ ಪರೀಕ್ಷೆಡ್ ಅಪ್ರಾಪ್ತೆದಿ ಪೊಣ್ಣು ಬಂಜಿನಾಲಾತಿನ ದೃಢ ಆದಿತ್ತ್ದ್, ಇಲ್ಲದಕುಲು ಪೊಲೀಸೆರೆಗ್ ತೆರಿಪಾದೆರ್.
ರಾಯವರಂ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದಿತ್ತ್ದ್, ಪ್ರಕರಣ ದಾಕಲಾತ್ಂಡ್. ಅಧಿಕಾರಿಲು ಜಡ್ತೆ ಮಲ್ತೊಂದುಲ್ಲೆರ್. ಲೈಂಗಿಕ ಅಪರಾಧೊಲೆರ್ದ್ ಜೋಕುಲೆನ್ ಕಾಪುನ ಪೋಕ್ಸೊ ಕಾಯ್ದೆದ ಅಡಿಟ್ ಕ್ರಮ ಗೆತೊಂದಿತ್ತ್ದ್, ಸಂತ್ರಸ್ತೆದಿಗ್ ನ್ಯಾಯ ಕೊರ್ಪಾಯೆರ ಆರೋಪಿನ ಮಿತ್ತ್ ಬೋಡಾಪಿನ ಮಾತಾ ಕ್ರಮೊಕುಲೆನ್ ಗೆತೊನೊಂದುಲ್ಲ ಪನ್ದ್ ಅಧಿಕಾರಿಲು ತೆರಿಪಾದೆರ್.