Last updated on August 4th, 2025 at 10:16 am
ಕುಡ್ಲ, ಆ. 04: ಲೋಕಾಯುಕ್ತ ಪೊಲೀಸೆರೆ ಕೈಟ್ ಕೈದಾದಿತ್ತಿನ ದ. ಕ. ಜಿಲ್ಲಾ ಗಣಿ ಬೊಕ್ಕ ಭೂವಿಜ್ಞಾನ ಅಧಿಕಾರಿ ಕೃಷ್ಣವೇಣಿ ಮೆರೆನ ಸಸ್ಪೆನ್ಶನ್ ಆದೇಶೊಗು ಹೈಕೋರ್ಟ್ ತಡೆಯಾಜ್ಞೆ ಕೊರ್ತುಂಡು.
ಇಲ್ಲ್ ಕಟ್ಟಾಯೆರ, ಜಾಗೆದ ಕಲ್ಲ್ ದೆಪ್ಪಾದ್ ತಟ್ಟ್ ಮಲ್ಪೆರ ಅಗತ್ಯ ಅನುಮತಿ ಕೊರ್ಯೆರ 50,000 ರೂ. ಲಂಚ ಕೇನ್ಡಿನ ಕೃಷ್ಣವೇಣಿನ್ ಮೇ 28 ದಾನಿ ಲೋಕಾಯುಕ್ತ ಅಧಿಕಾರಿಲು ರೆಡ್ ಹ್ಯಾಂಡ್ ಆದ್ ಪತ್ತ್ದಿತ್ತೆರ್.
ಕುಡ್ಲಡ್ ಪೋಸ್ಟಿಂಗ್ ಆಯಿ ಬೊಕ್ಕ, ಕೃಷ್ಣವೇಣಿ ಪಾಕ ಆರೋಪೊಲೆನ್ ಮಿತ್ತ್ ಪಾಡೊಂದೆರ್. ಪೊಯ್ಯೆ ಮಾಫಿಯಾಗ್ ತಾಂಗ್ ಕೊರ್ಪುನಂಚಿನ ಆರೆನ ಪಾತೆರೊಲು ವಿವಾದೊಗು ಸಾದಿ ಮಲ್ತ್ ಕೊರ್ದಿತ್ತ. ಜಿಲ್ಲಾ ಉಸ್ತುವಾರಿ ಸಚಿವೆ ಗುಂಡೂರಾವ್ ಸಭೆಟ್ ಗಣಿ ಇಲಾಖೆದ ಅಕ್ರಮೊಲೆನ ಬಗೆಟ್ ಆರೆಗ್ ಎಚ್ಚರ್ಗೆಲಾ ಕೊರ್ದಿತ್ತೆರ್.