Last updated on August 11th, 2025 at 10:06 am
ಕುಡ್ಲ, ಆ. 11: ಸ್ವಿಮ್ಮಿಂಗ್ ಪೂಲ್ಡ್ ಮುರ್ಕ್ದ್ ಕೋಚ್, ಲೈಫ್ಗಾರ್ಡ್ ಒರಿ ತೀರ್ದಿನ ನಡಕೆ ಕುಡ್ಲದ ಲೇಡಿಹಿಲ್ಡ್ ಇಪ್ಪುನ ಮಹಾನಗರ ಪಾಲಿಕೆದ ಸ್ವಿಮ್ಮಿಂಗ್ ಪೂಲ್ಡ್ ಐತಾರ ನಡತ್ದ್ಂಡ್.
ತೀರ್ದಿನಾರೆನ್ ಕೆ. ಚಂದ್ರಶೇಖರ್ ರೈ ಸೂರಿಕುಮೇರ್ (52) ಪನ್ದ್ ಗುರ್ತ ಪತ್ತ್ದೆರ್.
ಮೂಲೊಲೆನ ಪ್ರಕಾರ, ಮೈಂಟೆನೆನ್ಸ್ ಬೇಲೆಲು ನಡತೊಂದಿತ್ತಿನೆರ್ದಾವರ ಐತಾರ ಸ್ವಿಮ್ಮಿಂಗ್ ಪೂಲ್ಗ್ ರಜೆ ಇತ್ತ್ಂಡ್. ಈ ಪೊರ್ತುಡು ಮೀಂದ್ಯೆರ ನೀರ್ಗ್ ಜತ್ತಿನ ಆರ್ ಮುರ್ಕ್ದ್ ತೀರ್ದೆರ್ ಪನ್ದ್ ಪನೊಂದುಲ್ಲೆರ್.
ಕೆ. ಚಂದ್ರಶೇಖರ್ ರೈ ಮೇರ್ 2023 ಟ್ ಸ್ವಿಮ್ಮಿಂಗ್ ಪೂಲ್ದ ನೀರ್ದುಲಯಿ ಒಂಜಿ ನಿಮಿಷೊಡು 28 ಸರ್ತಿ ಸಮ್ಮರ್ಸಾಲ್ಟ್ ಪನ್ಪಿನ ಸ್ಟಂಟ್ ಮಲ್ತ್ದ್ ‘ವರ್ಲ್ಡ್ ವೈಡ್ ಬುಕ್ ಆಫ್ ರೆಕಾರ್ಡ್ಸ್’ಡ್ ಪುದರ್ ಮಲ್ತಿತ್ತೆರ್.
ಈ ನಡಕೆದ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.