Last updated on August 27th, 2025 at 06:21 pm
ಬೆದ್ರ, ಆ.27: ಬೆದ್ರದ ಮಾರ್ಪಾಡಿ ಗ್ರಾಮೊದ ಆಳ್ವಾಸ್ ಆಸ್ಪತ್ರೆ ದಂಚಿ ಪೋಪುನ ಸಾದಿಡ್ ಮಾಲಿಗೆದ ಕಟ್ವಾನೊದ ಒಂಜಿ ಅದೆಟ್ ನಡತೊಂದಿತ್ತಿನ ವೇಶ್ಯಾವಾಟಿಕೆ ಕೇಂದ್ರೊಗು ಪೊಲೀಸ್ ಇನ್ಸ್ಪೆಕ್ಟರ್ ಸಂದೇಶ್ ಪಿ.ಜಿ. ದಾಳಿ ಮಲ್ತ್ದ್, ಇರ್ವೆರ್ ಆರೋಪಿಲೆನ್ ಪತ್ತ್ದೆರ್.
ಆಗಸ್ಟ್ 26ತ ರಾತ್ರೆ 8.00 ಗಂಟೆಗ್ ಈ ಕಾರ್ಯಾಚರಣೆ ನಡತ್ದ್ಂಡ್. ಸಂತ್ರಸ್ತೆದಿ ಪೊಂಜೊವುನು ಪೊಲೀಸೆರ್ ರಕ್ಷಣೆ ಮಲ್ತ್ದೆರ್. ಕೈದಾತಿನ ಆರೋಪಿಲೆನ್ ಬೆದ್ರ ತಾಲೂಕ್, ಮಾರ್ಪಾಡಿ ಗ್ರಾಮೊದ ರಾಜೇಶ್ ಬೋವಿ (31 ವರ್ಷ) ಬೊಕ್ಕ ಬೊಲ್ತೇರ್ ತಾಲೂಕ್ ನಾರಾವಿ ನಿವಾಸಿ ಭರತ್ ಜೈನ್ ಪನ್ದ್ ಗುರ್ತ ಪತ್ತ್ದೆರ್.
ಭರತ್ ಜೈನ್ ಈ ಸಂತ್ರಸ್ತೆದಿ ಪೊಂಜೊವುನು ದುಂಬು ದೀವೊಂದು ಗ್ರಾಹಕೆರೆಗ್ ತೋಜಾದ್ ವೇಶ್ಯಾವಾಟಿಕೆ ನಡಪಾವೊಂದಿತ್ತೆ ಪನ್ದ್ ತೆರಿದ್ ಬೈದ್ಂಡ್. ಆರೋಪಿ ಭರತ್ ಜೈನ್ನ ಮಿತ್ತ್ ಕಾರ್ಲ ನಗರ ಪೊಲೀಸ್ ಸ್ಟೇಶನ್ ಸೇರ್ದ್ ಬೇತೆ ಬೇತೆ ಸ್ಟೇಶನ್ಲೆಡ್ ದುಂಬೇ ಪ್ರಕರಣೊಲು ದಾಕಲಾದುಲ್ಲ.
ಈ ಬಗೆಟ್ ಬೆದ್ರ ಸ್ಟೇಶನ್ಡ್ ಆರೋಪಿಲೆನ ಮಿತ್ತ್ ಪ್ರಕರಣ ದಾಕಲಾತ್ಂಡ್.