Last updated on August 29th, 2025 at 12:28 pm
ಮಲ್ಪೆ,ಆ. 29: ಮಲ್ಪೆದ ತೊಟ್ಟಂ ಕೈತಲ್ ಮೀನ್ ಪತ್ತೊಂದಿತ್ತಿನ ಓಡ ಒಂಜಿ ಕಡಲ ಸಿರೆಕ್ಲೆಗ್ ತಿಕ್ಕ್ದ್ ಕಬ್ಬೆ ಬೂರ್ದ್, ಅವೆಟಿತ್ತಿನ ನಾಲ್ವೆರ್ ಒವ್ವೇ ಪಡಾಯಿದಾಂತೆ ಬಚಾವಾತೆರ್.
ಮುಟ್ಟದಕುಲೇ ಆಯಿನ ಜೀವನ್ ಪನ್ಪಿನಾರೆನ ಓಡಡ್ ನಾಲ್ ಜನ ಮೀನ್ ಪತ್ತೆರ ಪೋದಿತ್ತೆರ್. ಈ ಪೊರ್ತುಡು ಓಡ ಸಿರೆಕ್ ತಿಕ್ಕ್ದ್ ಕಬ್ಬೆ ಬೂರ್ದ್ಂಡ್. ಈ ಬಗೆಟ್ ಅಲ್ಪದ ಮುರ್ಕು ತಜ್ಞೆ ಈಶ್ವರ ಮಲ್ಪೆರೆನ ಕೂಟೊಗು ಒಲವು ಕೊರ್ತೆರ್, ಅಪಗನೇ ಜಾಗೆಗ್ ಬತ್ತಿನ ಕೂಟೊದ ಪ್ರವೀಣ್ ಬೊಕ್ಕ ಉದಯ್ ಒಟ್ಟುಗು ನೀರ್ಗ್ ಜತ್ತ್ದ್ ಪಡಾಯಿಡಿತ್ತೆನ ನಾಲ್ವೆರೆಗ್ ಲೈಫ್ ಜಾಕೆಟ್ ಕೊರ್ದು ರಕ್ಷಣೆ ಮಲ್ತ್ದೆರ್ ಪನ್ದ್ ತೆರಿದ್ ಬೈದ್ಂಡ್.