Last updated on September 19th, 2025 at 01:00 pm
ಕುಡ್ಲ, ಸೆ 19: ಸಾಮಾಜಿಕ ಬಲೆತ್ತಾನ ಇನ್ಸ್ಟಾಗ್ರಾಂಡ್ ಪ್ರಚೋದನಕಾರಿ ಪೋಸ್ಟ್ ಪಾಡ್ದಿನ ಆರೋಪಡ್ Karavali_tigers ಪನ್ಪಿನ Instagram ಪೇಜ್ದ ಅಡ್ಮಿನ್ನ್ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್. ಕೈದಾತಿನಾಯನ್ ಮರವಂತಿಗೆದ ಕಿಲ್ಲೂರು ಮನೆ ನಿವಾಸಿ ಮುಹಮ್ಮದ್ ಕೈಫ್(22) ಪನ್ದ್ ಗುರ್ತ ಪತ್ತ್ದೆರ್.
Karavali_tigers ಪನ್ಪಿ Instagram ಪೇಜ್ದ ಮುಕೇನ ಪ್ರಚೋದನಕಾರಿ ಸೊಲ್ಲಂಜೊಲೆನ್ ಪೋಸ್ಟ್ ಮಲ್ತಿನ ಆರೋಪಡ್ ಕೈಫ್ನ ಮಿತ್ತ್ ಕುಡ್ಲ ನಗರ ಸಿ.ಇ.ಎನ್ ಕ್ರೈಂ ಸ್ಟೇಶನ್ಡ್ ಜುಲೈ 19ದಾನಿ ಪ್ರಕರಣ ದಾಕಲಾದಿತ್ತ್ಂಡ್. ತಾಂತ್ರಿಕ ಸಾಕ್ಷ್ಯೊಲೆನ ಮುಕೇನ ನಾಡ್ಪತ್ತ್ದ್, ಆರೋಪಿ ತಮಿಳುನಾಡ್ಡ್ ಇಪ್ಪುನ ಬಗೆಟ್ ಒಲವು ತಿಕ್ಕ್ದ್ ಪೊಲೀಸೆರ್ ಅಡೆಗ್ ಪೋದು ಆಯನ್ ಕೈದ್ ಮಲ್ತ್ದೆರ್. ಕೈದಾತಿನ ಆರೋಪಿನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ನ್ಯಾಯಾಂಗ ಕೈದ್ದ ಆದೇಶ ಕೊರ್ತುಂಡು.
Karavali_tigers ಪನ್ಪಿ ಪೇಜ್ದ ಮಿತ್ತ್ ಬಜ್ಪೆ ಪೊಲೀಸ್ ಸ್ಟೇಶನ್ಡ್ಲಾ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು ಪನ್ದ್ ಪೊಲೀಸೆರ್ ತೆರಿಪಾದೆರ್.