Last updated on September 25th, 2025 at 04:19 pm
ದೆಲ್ಲಿ, ಸೆ. 25: ಭಾರತ ರಕ್ಷಣಾ ವಲಯೊಡು ಮಲ್ಲ ಬುಲೆಚ್ಚಿಲ್ದ ಬೆನ್ನಿ ಬೆನ್ತ್ಂಡ್. ಇತ್ತೆ ರೈಲ್ರ್ದ್ ಮಿಸೈರ್ ಲಾಂಚ್ ಮಲ್ಪುನ ಸಾಮರ್ತಿಗೆ ಭಾರತೊಗು ಉಂಡು. 2,000 ಕಿಲೋಮೀಟರ್ದಾತ್ ಸೀಮೆ ಇಪ್ಪುನ ಅಗ್ನಿ-ಪ್ರೈಂ ಮಿಸೈಲ್ದ ಟೆಸ್ಟಿಂಗ್ ಯಶಸ್ವಿಯಾದ್ ನಡತ್ಂಡ್. ಈ ಸಾದಗೊಗು ರಕ್ಷಣಾ ಸಚಿವೆ ರಾಜನಾಥ್ ಸಿಂಗ್ ಡಿಆರ್ಡಿಒ ಬೊಕ್ಕ ಸಶಸ್ತ್ರ ಪಡೆಕುಲು ಎಡ್ಡೆಪು ಬಯಕಿಯೆರ್. ಅಗ್ನಿ-ಪ್ರೈಂ ಮಿಸೈಲ್ನ್ ರೈಲ್ರ್ದ್ ಯಶಸ್ವಿಯಾದ್ ಪರೀಕ್ಷೆ ಮಲ್ದಿನಿ ಉಂದೇ ಸುರು.
ಭಾರತ ರೈಲ್ ಆಧಾರಿತ ಮೊಬೈಲ್ ಲಾಂಚರ್ ಸಿಸ್ಟಮ್ಡ್ ಮೀಡಿಯಂ ರೇಂಜ್ದ ಅಗ್ನಿ-ಪ್ರೈಂ ಮಿಸೈಲ್ದ ಯಶಸ್ವಿ ಟೆಸ್ಟಿಂಗ್ ಮಲ್ದ್ಂಡ್ ಪನ್ದ್ ರಕ್ಷಣಾ ಸಚಿವೆ ರಾಜನಾಥ್ ಸಿಂಗ್ ಎಕ್ಸ್ ಪೋಸ್ಟ್ಡ್ ತೆರಿಪಾದೆರ್.
ವಿಶೇಷವಾದ್ ಡಿಸೈನ್ ಮಲ್ದಿನ ರೈಲ್ ಆಧಾರಿತ ಮೊಬೈಲ್ ಲಾಂಚರ್ರ್ದ್ ಆಪಿನ ಲಾಂಚ್ಗ್ ಒವ್ವೇ ಇನಿಷಿಯಲ್ ಕಂಡೀಷನ್ದಾಂತೆ ರೈಲ್ ನೆಟ್ವರ್ಕ್ಡ್ ಬೇಲೆ ಮಲ್ಪುನ ಸಾಮರ್ತಿಗೆ ಉಂಡು. ಉಂದೆನ್ ಸಮ ತೋಜಂದಿನ ಪೊರ್ತುಡುಲಾ ಲಾಂಚ್ ಮಲ್ಪೊಲಿ ಪನ್ದ್ ಆರ್ ಬರೆತೆರ್.