Last updated on September 26th, 2025 at 12:42 pm
ಗೋಳಿಯಂಗಡಿ: ಮಡಾಮಕ್ಕಿ ಬೊಕ್ಕ ನಾಡ್ಪಾಲ್ ಗ್ರಾಮೊಲೆನ ಕೊಂಡಿ ಹುಯ್ದಾರು ಮಕ್ಕಿ ಮುಟ್ಟದ ಮುಳ್ಳುಹಕ್ಲು ಸಂಕೊದ ತಿರ್ಗೆಲ್ ಇತ್ತೆ ಕುಡಲಾತ್ ಜರಿದಿತ್ತ್ದ್, ಅಲಕ್ಕ ಸಂಪರ್ಕ ಕಡಿಯುನ ಪೋಡಿಗೆ ತೋಜೊಂದುಂಡು. ಅಂಚಾದ್ ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆದ ಅಧಿಕಾರಿಲು ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.
ಕರಿನ ಜೂನ್ಡ್ ಸಂಕೊದ ಪಿಲ್ಲರ್ದ ಅಡಿಟ್ ಮಣ್ಣ್ ಜರಿಯೆರ ಪತ್ತ್ದಿತ್ತ್ದ್, ಇತ್ತೆ ಮಣ್ಣ್ ಪೋದು ಪೋದು ಮಲ್ಲ ಗುಂಡಿಯೇ ಆದ್, ಜನೊಕ್ಲೆನ್ ನಿಂಗೆರೆ ಕಾತೊಂದುಂಡು. ಈ ಸಂಕ ಏಪ ಪೊಲಿದ್ ಬೂರುಂಡೋ ಪನ್ದ್ ಜನ ಪೋಡಿಗೆಡ್ ಜೂವ ಕೈಟ್ ಪತೊಂದು ಪೋಪಿ ಪರಿಸ್ಥಿತಿ ಬತ್ತ್ದ್ಂಡ್.
ತಾತ್ಕಾಲಿಕ ಬೇಲೆಗ್ ಸೂಚನೆ
ಸಂಕೊದಡಿತ ಮಣ್ಣ್ ಜರಿಯೊಂದುಪ್ಪುನ ಬಗೆಟ್ ಗ್ರಾಮಸ್ಥೆರ್, ಮಡಾಮಕ್ಕಿ ಗ್ರಾ.ಪಂ. ರ್ದ್ ಲೋಕೋಪಯೋಗಿ ಇಲಾಖೆದ ಅಧಿಕಾರಿಲೆನ ಗೇನೊಗು ಕನತಿತ್ತೆರ್. ಅಂಚಾದ್ ಶನಿವಾರ ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆದ ಸಕಾಯಕ ಕಾರ್ಯಪಾಲಕೆ ಎಂಜಿನಿಯರ್ ಮಹಾಬಲ ನಾಯ್ಕೆ ಸಕಾಯಕ ಎಂಜಿನಿಯರ್ ಮಧು ಬತ್ತ್ದ್ ಪರಿಶೀಲನೆ ಮಲ್ತ್ದೆರ್. ಈ ಪೊರ್ತುಡು 90 ಲಕ್ಷ ರೂ. ಅಂದಾಜಿ ಪಟ್ಟಿ ಸಂದಾದಿತ್ತ್ದ್, ಬೇಗೊಡೇ ತಾತ್ಕಾಲಿಕ ಬೇಲೆ ಸುರು ಆಪುಂಡು ಪನ್ದ್ ತೆರಿಪಾದೆರ್. ಈ ಪೊರ್ತುಡು ಮಡಾಮಕ್ಕಿ ಗ್ರಾ.ಪಂ. ಅಧ್ಯಕ್ಷೆ ಕೆ. ದಯಾನಂದ ಪೂಜಾರಿ, ಸದಸ್ಯೆ ಪ್ರತಾಪ್ ಶೆಟ್ಟಿ ಒತ್ತುಪಾಲ್ ಇತ್ತೆರ್.