Last updated on September 28th, 2025 at 12:16 pm
ಉಳ್ಳಾಲ, 28 : ಕುತ್ತಾರ್ಡ್ ಇಪ್ಪುನ ಕೊರಗ ತನಿಯ ಕ್ಷೇತ್ರೊಗು ಬೇತೆ ಬೇತೆ ಭಾಗೊರ್ದು ನಂಬಿನಕುಲು ಬರ್ಪುನೆರ್ದಾವರ ಮೂಲ ಸೌಕರ್ಯ ಮಲ್ಪಾದ್ ಕೊರ್ಪುನ ನಮ್ಮ ಜವಾಬ್ದಾರಿ, ಅಂಚಾದ್ ಮುಲ್ಪದ ಸಾದಿದ ಬುಲೆಚ್ಚಿಲ್ ಅಗತ್ಯವಾದಿತ್ತ್ದ್, ಮುಲ್ಪದಕುಲು ಜಾಗೆ ಬುಡ್ದು ಕೊರ್ಯೆರ್ನ್ಡ ಕಾಮಗಾರಿಗ್ ಮೂಜರೆ ಕೋಟಿ ಅನುದಾನ ದೆತ್ತ್ದ್ ದೀಪೆ ಪನ್ದ್ ವಿಧಾನಸಭಾಧ್ಯಕ್ಷೆ ಯು.ಟಿ.ಖಾದರ್ ಪನ್ಡೆರ್.
ಮುನ್ನೂರು ಗ್ರಾಮೊಡು ಬೇತೆ ಬೇತೆ ಕಾಮಗಾರಿಲೆಗ್ ಶನಿವಾರ ಕುತ್ತಾರ್ ಕೊರಗತನಿಯ ಆದಿಸ್ಥಳೊದ ಕೈತಲ್ ಸಾಂಕೇತಿಕವಾದ್ ಚಾಲನೆ ಕೊರ್ದು ಪಾತೆರ್ಯೆರ್. ಇತಿಹಾಸ ಪ್ರಸಿದ್ಧ ಕೊರಗ ತನಿಯ ಕ್ಷೇತ್ರ, ಅಂಬ್ಲಮೊಗೇರ್ ದರ್ಗಾ ಇಂಚ ಬೇತೆ ಬೇತೆ ಕ್ಷೇತ್ರೊಲೆಗ್ ಜನೊಕುಲು ಬರ್ಪಿನ ಸೌಹಾರ್ದ ಪ್ರದೇಶ ಉಂದಾದಿತ್ತ್ದ್ ಬೇತೆ ಬೇತೆ ರೀತಿದ ಅಭಿವೃದ್ಧಿ ಕಾಮಗಾರಿಲೆಗ್ ಒಂಜರೆ ಕೋಟಿ ಅನುದಾನ ದೆತ್ತ್ದ್ ದೀತ್ಂಡ್, ಇತ್ತೆ ಸಾದಿದ ಅಭಿವೃದ್ಧಿಗ್ ಸಾಂಕೇತಿಕ ಚಾಲನೆ ಕೊರ್ತುಂಡು ಪನ್ದ್ ಪನ್ಡೆರ್.
ಈ ಪೊರ್ತುಡು ಮುನ್ನೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆದಿ ರೆಹನಾ ಬಾನು, ಪಂಜಂದಾಯ ಬಂಟ ವೈದ್ಯನಾಥ ಟ್ರಸ್ಟ್ ಉಪಾಧ್ಯಕ್ಷೆ ಮಹಾಬಲ ಹೆಗ್ಡೆ ದೆಬ್ಬೇಲಿ, ಪಂಚಾಯತ್ ಉಪಾಧ್ಯಕ್ಷೆ ಮಹಾಬಲ ಟಿ. ದೆಪ್ಪೆಲಿಮ್ಮಾರ್, ದೈವಪಾತ್ರಿ ಮಾಯಿಲ ರಾಣಿಪುರ , ಪಂ. ಸದಸ್ಯೆರಾಯಿನ ಮುಸ್ತಫಾ, ಮಾಜಿ ಅಧ್ಯಕ್ಷೆ ವಿಲ್ಫ್ರೆಡ್ ಡಿಸೋಜ, ನವೀನ್ ಡಿಸೋಜ, ಸಿರಾಜ್ ಮದನಿನಗರ, ಹಸನಬ್ಬ ಸಂತೋಷ್ನಗರ, ಪುಷ್ಪಾ ಅಂಚನ್, ಅಭಿವೃದ್ಧಿ ಅಧಿಕಾರಿ ಶ್ರೀಕಾಂತ್ ಸಿಂಪಿಗೇರ, ಭಾಸ್ಕರ್ ಕುತ್ತಾರ್, ದೇವಿಪ್ರಸಾದ್ ಶೆಟ್ಟಿ, ಮಾಜಿ ಅಧ್ಯಕ್ಷೆದಿ ವಿಶಾಲಾಕ್ಷಿ, ಗುತ್ತಿಗೆದಾರೆ ಅಬ್ದುಲ್ ರಹಿಮಾನ್ ಅಂಚೆನೇ ಊರುದಕುಲು ಒತ್ತುಪಾಲಿತ್ತೆರ್.