Last updated on October 11th, 2025 at 07:51 pm
ಪುತ್ತೂರು, ಅ. 11: ಈ ವರ್ಸೊದ ಅಕೇರಿದ ತೆಡಿಲ್ ಮೆಂಚಿದ ಬರ್ಸೊಗು ಪುತ್ತೂರು ತಾಲೂಕ್ದ ಶಾಂತಿಗೋಡು ಗ್ರಾಮೊದ ಆನಡ್ಕ ಪನ್ಪಿನಲ್ಪ ಕೂಲಿ ಬೇಲೆಗ್ ಪೋವೊಂದಿತ್ತಿನಾರ್ ಒರಿ ತೆಡಿಲ್ ಮೆಂಚಿಗ್ ಆತೆರ್.
ಶಾಂತಿಗೋಡು ಗ್ರಾಮೊದ ಆನಡ್ಕ ಕಾಯರ್ಪು ದಿ. ಬಾಬು ನಾಯ್ಕೆರೆನ ಮಗೆ ವಾಮನ ನಾಯ್ಕೆರ್(44) ತೆಡಿಲ್ ಆಕ್ದ್ ತೀರಿನಾರ್. ವಾಮನೆರ್ ಕೂಲಿ ಬೇಲೆಗ್ ಪೋವೊಂದಿತ್ತ್ದ್, ಇನಿತ ಬೇಲೆ ಮುಗಿತ್ ಬತ್ತ್ದ್ ಇಲ್ಲಡೇ ಪಿದಯಿ ಕುಲ್ಲುದಿತ್ತೆರ್.
ಈ ಪೊರ್ತುಡು ತೆಡಿಲ್ ಆಕ್ದ್ ಉಸಾರ್ ತತ್ತ್ದೆರ್, ಅಪಗನೇ ಆರೆನ್ ಪುತ್ತೂರುದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಅಡೆ ಎತ್ತ್ನಗ ಆರ್ ತೀರ್ದಿತ್ತೆರ್. ಬಿಜೆಪಿದ ಸಕ್ರಿಯ ಕಾರ್ಯಕರ್ತೆ ಆದಿತ್ತಿನ ವಾಮನೆರ್ ತನ್ನ ಪಲಯೆ ಗುರುವಪ್ಪ ನಾಯ್ಕೆರೆನ ಒಟ್ಟುಗು ಆನಡ್ಕದ ಇಲ್ಲಡ್ ಇತ್ತೆರ್.
ವಾಮನೆರೆನ ಪಾರ್ಥಿವ ಸರ್ರೊನು ಮರಣೋತ್ತರ ಪರೀಕ್ಷೆ ಮಲ್ತ್ದ್ ಇಲ್ಲಡೆ ಕಡಪುಡ್ದೆರ್.