Last updated on October 12th, 2025 at 09:27 am
ಕುಡ್ಲ, ಅ. 12: ಬಿಜೈ ಆನೆಗುಂಡಿದ ಸಾರ್ವಜನಿಕ ಸಾದಿಡ್ ಸಿಗರೇಟ್ದ ಉಲಯಿ ಗಾಂಜಾ ದಿಂಜಾದ್ ಒಯ್ತೊಂದಿತ್ತಿನ ಆರೋಪಡ್ ಕೋಡಿಕಲ್ ಕಲ್ಬಾವಿ ಸಾದಿದ ನಿವಾಸಿ ಗಿರೀಶ್ ಕೆ. (24) ಪನ್ಪಿನಾಯನ್ ಉರ್ವ ಸ್ಟೇಶನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಪೊಲೀಸೆರ್ ರೌಂಡ್ಸ್ ಪಾಡೊಂದುಪ್ಪುನಗ ಗಿರೀಶೆ ಸಿಗರೇಟ್ ಒಯ್ತೊಂದಿತ್ತ್ದ್, ಸಂಶಯೊದ ಮಿತ್ತ್ ಆಯನ ವಿಚಾರಣೆ ಮಲ್ಪುನಗ ಮಾದಕ ಸೊತ್ತುನು ಸಿಗರೇಟ್ದ ಉಲಯಿ ದಿಂಜಾದ್ ಒಯ್ತೊಂದಿತ್ತಿನೆನ್ ಒತ್ತೊಂದೆಗೆ. ವೈದ್ಯಕೀಯ ಪರೀಕ್ಷೆಡ್ ಗಾಂಜಾ ಒಯ್ತಿನ ದೃಢ ಆತ್ಂಡ್. ಆ ಪ್ರಕಾರ ಆರೋಪಿನ ಮಿತ್ತ್ ಎನ್ಡಿಪಿಎಸ್ ಕಾಯ್ದೆದಡಿಟ್ ಪ್ರಕರಣ ದಾಕಲ್ತೊಂದೆರ್.