Last updated on October 17th, 2025 at 11:16 am
ಕುಡ್ಲ, ಅ. 17: 1971 ತ ಭಾರತ ಪಾಕ್ ಯುದ್ಧೊಡು ಪಾಲ್ಪಡೆದಿತ್ತಿನ ಬೀರೆ ಗರೋಡಿ ತಿಮ್ಮಪ್ಪ ಆಳ್ವೆರ್(85) ಗುರುವಾರ ಬಯ್ಯಡ್ ಕುಡ್ಲಡ್ ಲೋಹಿತ್ ನಗರೊದ ತನ್ನ ಇಲ್ಲಡ್ ತೀರ್ದೆರ್.
ಪಾರ್ಥಿವ ಸರ್ರೊನು ಶುಕ್ರವಾರ ದೇರಳಕಟ್ಟೆದ ಕೆ.ಎಸ್.ಹೆಗ್ಡೆ ಆಸ್ಪತ್ರೆಗ್ ಉಂಬೊಲಿ ಕೊರ್ಪುನ ಪನ್ದ್ ಇಲ್ಲದಕುಲು ತೆರಿಪಾದೆರ್.
ಇಂಚಿಪ ಆರೆನ ಅನುಭವ ಕಥನ “ಗರೋಡಿ ಮನೆಯಿಂದ ಸೇನಾ ಗರಡಿಗೆ” ಪ್ರಕಟ ಆದಿತ್ತ್ಂಡ್. ತುಳುನಾಡ ಬೆನ್ನಿದ ಕುಟುಮೊಡು ಪುಟ್ಟಿನ ಬಾಲೆ ದೆಸೊ ಕಾಪುನ ಬೀರೆ ಆದ್, 1971ತ ಕೊಲಲೊಡು ಹೆಲಿಕ್ಯಾಪ್ಟರ್ಡ್ ಯುದ್ಧ ಶಿಬಿರೊಗು ಪೋನಗ ಪಾಕ್ ದಂಡ್ದ ಫಿರಂಗಿ ದಾಳಿಗ್ ತಿಕ್ಕ್ದ್ ಚಿತ್ತಗಾಂಗ್ ಪ್ರದೇಶೊದ ಕಾಡ್ಗ್ ಬೂರ್ದು ಬದ್ಕುವೆನಾ ಇಜ್ಜಾ ಪನ್ಪಿ ಸ್ಥಿತಿಟ್ ಪೊರ್ಮ್ಬುದು ಬದ್ಕ್ದ್ ಒರಿನ ಅನುಭವೊದ ಕಥೆ ಕಿಞ್ಞ ಮಸ್ತಿರೆ ಆದ್ ಪ್ರಕಟ ಆತ್ಂಡ್.
ಪಾಕ್ ವಿರುದ್ಧೊದ ಮೂಜಿ ಕೊಲಲೊಡ್ಲಾ ಪಾಲ್ಪಡೆತಿನ ಪೆರ್ಮೆ ಜಿ ಟಿ ಆಳ್ವೆರೆನವು.