Last updated on October 23rd, 2025 at 09:37 am
ಶಬರಿಮಲೆ, ಅ. 23: ದೇಶೊದ ಕಡೀರ ಪ್ರಜೆ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ಕೋಡೆ ಶಬರಿಮಲೆ ಅಯ್ಯಪ್ಪನ ದರ್ಶನ ಮಲ್ತ್ದೆರ್. ಕೋಡೆ ಕಾಂಡೆ ಪಂಪಾ ಮುಕೇನ ವಿಶೇಷ ಗಾಡಿಡ್ ಶಬರಿಮಲೆಗ್ ಪೋಯಿನ ರಾಷ್ಟ್ರಪತಿಕುಲು ಪದಿನೆಣ್ಮ ಮೊಟ್ಟು ಬರ್ತ್ದ್ ಅಯ್ಯಪ್ಪನ ದರ್ಶನ ಗೆತೊಂದು ವಿಶೇಷ ಪೂಜೆ ಸಂದಾದೆರ್.
ನಾಲ್ ದಿನೊತ ಕೇರಳ ಪ್ರವಾಸೊಡು ಇಪ್ಪುನ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ಕೋಡೆ ಶಬರಿಮಲೆಗ್ ಪೋತೆರ್. ಕಾಂಡೆ ಹೆಲಿಕಾಪ್ಟರ್ಡ್ ಕೇರಳದ ಪಟ್ಟಣಂತಿಟ್ಟ ಕೈತಲ್ದ ಪ್ರಮದಂ ಗ್ ಬತ್ತಿನ ಆರ್ ಅವೆರ್ದ್ ಬೊಕ್ಕ ಗಾಡಿಡ್ ಪಂಪೆಗ್ ಬತ್ತ್ದೆರ್. ಪಂಪಾ ಸುದೆಟ್ ರಾಷ್ಟ್ರಪತಿಕುಲು ತನ್ನ ಕಾರ್ ದೆಕ್ಕ್ದ್ ಸಾಂಪ್ರದಾಯಿಕ ಶುದ್ಧೀಕರಣ ಕರಿತ್ದೆರ್. ಬೊಕ್ಕ ಗಣಪತಿ ದೇಲಂತಡೆಡ್ ಸಂಪ್ರದಾಯಿಕವಾದ್ ಇರುಮುಡಿನ್ ಕಟೊಂದು ವಿಶೇಷ ಗಾಡಿಡ್ ಶಬರಿಮಲೆಗ್ ಪೋತೆರ್.
ಶಬರಿಮಲೆಟ್ 18 ಮೊಟ್ಟು ಬರ್ತ್ದ್ ರಾಷ್ಟ್ರಪತಿ ಮೇರ್ ಅಯ್ಯಪ್ಪನ ದರ್ಶನ ಮಲ್ತ್ದೆರ್. ಈ ಪೊರ್ತುಡು ರಾಷ್ಟ್ರಪತಿಕ್ಲೆನ ಬಾಡಿಗಾರ್ಡ್ನಕುಲುಲಾ ಇರುಮುಡಿ ತುಂಬುದಿತ್ತೆರ್. ದೇಬೆರೆ ದರ್ಶನ ಆದ್ ಶಬರಿಮಲೆಟ್ ದೇವಸ್ವಂ ಅತಿಥಿ ಗೃಹೊಟು ಬಚ್ಚೆಲ್ ಕಲೆದ್ ಮದ್ಯಾನೊರ್ದು ಬೊಕ್ಕ ಪಂಪೆಗ್ ಪಿರಪೋತೆರ್.