Last updated on October 9th, 2022 at 09:05 am
ಕರ್ನಾಟಕ ಸರ್ಕಾರೊದ 5 ಬೊಕ್ಕ 8ನೇ ಕ್ಲಾಸ್‌ದ ಜೋಕುಲೆಗ್ ಪಬ್ಲಿಕ್ ಪರೀಕ್ಷೆ ಮನ್ಪಾವುನ ನಿರ್ಧಾರೊನು ಆಲ್ ಇಂಡಿಯಾ ಡೆಮಾಕ್ರಟಿಕ್ ಸ್ಟೂಡೆಂಟ್ ಆರ್ಗನೈಜೇಷನ್ (AIDSO) ಬಾರಿ ಜೋರುಡು ವಿರೋಧ ಮಲ್ದ್ಂಡ್. ಈ ನಿರ್ಧಾರ ಜೋಕ್ಲೆನ ಮಂಡೆ ಬೆಚ್ಚ ಎಚ್ಚಾವುಂಡೂಂದ್ ಸಂಸ್ಥೆ ಪನ್ತ್ಂಡ್.
‘ಕರ್ನಾಟಕ ಸರ್ಕಾರ 5 ಬೊಕ್ಕ 8ನೇ ಕ್ಲಾಸ್‌ಗ್ ಪಬ್ಲಿಕ್ ಪರೀಕ್ಷೆ ಮನ್ಪೆರೆ ಪಿದಡ್ದ್ಂಡ್. ಶಿಕ್ಷಣ ಮಂತಿರ್ಲು ಶಿಕ್ಷಣೊದ ಗುಣಮಟ್ಟ ಎಚ್ಚಾಯೆರ ಇಂಚ ಮಲ್ತೊಂದುಲ್ಲ ಪನೊಂದುಲ್ಲೆರ್. ಸರ್ಕಾರ ಕಲ್ಪಾದಿಲೆ ಮಿತ್ತ್ ದೂರು ಪಾಡ್ದ್ ಅಕ್ಲೆನ ಜಬದ್ದರಿರ್ದ್ ಜಾರೊಂದುಲ್ಲೆರ್’ ಪಂದ್ AIDSOದ ಕಾರ್ಯಂತೆರ್ ಅಜಯ್ ಕಾಮತ್ ಪಂಡೆರ್.
ಕುಡ ಪಾತೆರ್ನ ಆರ್ ಗುಣಮಟ್ಟ ಕಡಮ್ಮೆ ಆಯೆರ ಸರ್ಕಾರೊಡ ಕಟ್ಟ್‌ಲೇ ಕಾರಣ. ಪಾಸ್-ಫೈಲ್ ವೆವಸ್ತೆನ್ ಉಂತಾದ್ ಮಾತೆರೆನ್ಲಾ ಪಾಸ್ ಮನ್ತ್‌ನೆರ್ದಾವರ ಇಂಚ ಆತ್ಂಡ್. ಈ ವೆವಸ್ತೆನ್ ಎಂಕ್ಲ ಸುರೂರ್ದೆ ವಿರೋಧಿಪೊಂದುಲ್ಲ ಪಂದ್ ಪಂಡೆರ್.
ಶಾಲೆಲೆಡ್ ಕಲ್ಪಾದಿಲು ಕಡಮ್ಮೆ ಉಲ್ಲೆರ್, ಸಮಕಟ್ಟ್ ವೆವಸ್ತೆ ಇಜ್ಜಂದಿನಲಾ ಈ ಸಮಸ್ಯೆಗ್ ಕಾರಣ ಪಂದ್ AIDSO ಸಂಸ್ಥೆದ ಅಭಿಪ್ರಾಯ.