Last updated on October 28th, 2025 at 08:03 pm
ಸುಳ್ಯ, ಅ. 28: ಇಂಜಿನಿಯರಿಂಗ್ ಕಲ್ತೊಂದಿತ್ತಿನ ಆಣ್ ಒರಿ ಬಲ್ಲ್ ಪಾಡೊಂದು ಜೂವ ದೆತ್ತೊಂದಿನ ನಡಕೆ ಇನಿ ಬಯ್ಯಡ್ ವರದಿ ಆತ್ಂಡ್.
ಸುಳ್ಯ ಜಟ್ಟಿಪಳ್ಳದ ಕಾನತ್ತಿಲ ದ ಕೈತಲ್ ಬಾಡಾಯಿದ ಇಲ್ಲಡ್ ಇತ್ತಿನ ದುಗಲಡ್ಕ ಕೇಶವ ಪೂಜಾರಿ ಪನ್ಪಿನಾರೆನ ಮಗೆ, ಇಂಜಿನಿಯರಿಂಗ್ ಕಲ್ತೊಂದಿತ್ತಿನ ವೀಕ್ಷಿತ್ (19 ವರ್ಷ) ಇಲ್ಲಡ್ ಏರ್ಲಾ ಇಜ್ಜಂದಿನ ಪೊರ್ತುಡು ಪಕ್ಕಾಸ್ಗ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆ.
ಇನಿ ಇಂಜಿನಿಯರಿಂಗ್ ಕಾಲೇಜ್ಡ್ ಕ್ಲಾಸ್ ಟೆಸ್ಟ್ ಇತ್ತ್ಂಡ್, ಅವೆನ್ ಬರೆದಿತ್ತಿನ ವೀಕ್ಷಿತ್, ಏಪೊಲ್ದ ಲೆಕ ಬಯ್ಯಡ್ ತನ್ನ ಅಪ್ಪೆನ್, ಆರ್ ಬೇಲೆ ಮಲ್ಪುನಲ್ಪರ್ದ್ ಲೆತೊಂದು ಬರ್ಯೆರಲಾ ಪೋವಂದೆ ಇತ್ತಿನತ್ತಂದೆ, ಫೋನ್ ಲಾ ರಿಸೀವ್ ಮಲ್ಪಂದಿನೆನ್ ತೂದು ಅಪ್ಪೆ ಪದ್ಮಿನಿ, ಬರಿತಿಲ್ಲದಾರೆಗ್ ಫೋನ್ ಮಲ್ತ್ದ್ ಇಲ್ಲಡ್ ವೀಕ್ಷಿತ್ ಉಲ್ಲೆನಾ ಪನ್ದ್ ತೂಯೆರ ಪನ್ದಿತ್ತೆರ್. ಬರಿತಿಲ್ಲದಕುಲು ಬತ್ತ್ದ್ ತೂನಗ ವೀಕ್ಷಿತ್ ಆತ್ಮಹತ್ಯೆ ಮಲ್ತೊಂದಿನ ತೋಜಿದ್ ಬೈದ್ಂಡ್ ಪನ್ದ್ ತೆರಿದ್ ಬೈದ್ಂಡ್.